影片
更多
2017-01-15
3851 浏览
闲日放工，约了朋友到尖沙咀食晚饭，朋友挑食，又嫌要排队，所以上OPENRICE揾左一轮，锁定左Cafe Hillywood，贪佢够静而且地方又够大。 我地约左7:30系佐敦地铁站等，系b出口沿住柯士甸道行落到大概5分钟就到，唔算特别难揾，但我地都揾唔到，因为原来间餐厅系地牢位置，好特别。 我地行落楼梯，发现原来地库别有洞天。而且晚市好热闹，差不多都坐满人，幸好有book枱，否则可能要等位。 先讲装修，一入门口，就有幅天鹅壁画吸引，鲜蓝色白色的，好抢眼！右边的系一排过的厨房，然后一张大枱放满餐具及餐牌，唔似一般西餐厅咁迫，呢度空间感较强。 我地点左个肉眼扒，一份沙律及一份刺身。因为晚市都真系好多人，所以上菜速度可接受。 炭烧澳洲草饲肉眼扒好大块$198，7成熟，所以切开仍见到嫩粉红色。肉质保持嫩滑多汁，薯角炸得好脆，伴碟的蒜头切得好有心思，值得一赞。朋友平时挑剔，但今次都食晒成块扒，所以有啲意外。 带子刺身$128好肥大肉厚，酱汁好巧妙地以份子料理的制法，化成一粒粒似黑珍珠的颗粒，放到刺身上。刺身下垫住薯蓉，成个配搭好新鲜。带子鲜甜可口，推介的一道菜。 巴马
我地约左7:30系佐敦地铁站等，系b出口沿住柯士甸道行落到大概5分钟就到，唔算特别难揾，但我地都揾唔到，因为原来间餐厅系地牢位置，好特别。
我地行落楼梯，发现原来地库别有洞天。而且晚市好热闹，差不多都坐满人，幸好有book枱，否则可能要等位。
先讲装修，一入门口，就有幅天鹅壁画吸引，鲜蓝色白色的，好抢眼！右边的系一排过的厨房，然后一张大枱放满餐具及餐牌，唔似一般西餐厅咁迫，呢度空间感较强。
我地点左个肉眼扒，一份沙律及一份刺身。因为晚市都真系好多人，所以上菜速度可接受。
炭烧澳洲草饲肉眼扒好大块$198，7成熟，所以切开仍见到嫩粉红色。肉质保持嫩滑多汁，薯角炸得好脆，伴碟的蒜头切得好有心思，值得一赞。朋友平时挑剔，但今次都食晒成块扒，所以有啲意外。
带子刺身$128好肥大肉厚，酱汁好巧妙地以份子料理的制法，化成一粒粒似黑珍珠的颗粒，放到刺身上。刺身下垫住薯蓉，成个配搭好新鲜。带子鲜甜可口，推介的一道菜。
巴马火腿沙律$98，有4大卷，每卷都包住哈密瓜及青瓜，食起黎又脆又甜，不错。
我最钟意杯白日梦奶昔$58，入口好creamy，云呢嗱雪糕，豆腐及炼奶打成，奶味好够，而且甜度唔过份，啱啱好。大大杯，好襟饮。
朋友点左个Maogo Nojito$45，淡黄色的外表下浮著青绿色的薄荷叶，酸酸甜甜，好清新。
呢度环境我好钟意，食物唔贵，系地库中的一片小天地，可以望住上面人来人往的马路，感觉好特别。下次会试下下午黎饮杯咖啡，发返个白日梦，感觉应该别有一番风味。
张贴
