Master Kama (已結業)

铜锣湾野食多系人都知，但有时突然朋友问有咩好食，都系要上openrice望望，揾间未试过嘅出黎试下。 今次拣左有海鲜食嘅Master Kama，餐厅比想像中大，坐位好宽阔，完全唔迫，坐得几舒服。叫左个蟹套餐Holy Crab One，另一个系Holy Crab Two，但就系打边炉，前几日先打完，所以就试下炒海鲜。 先来开胃的六小砵，够晒开胃，而且细细碟颜色好丰富。然后是蟹肉多士，面包烤得好脆，配上满满的蟹肉，洒上香草，简单得黎又好食。 再来便是蟹肉酿蟹盖，呢个真系不错，蟹肉捞埋芝士一齐食，微微火炙后啲芝士半溶可以拉丝，用块脆脆蘸黎食，大家都几钟意。 到主角海鲜，成大盘上枱，大半只面包蟹系入面。蟹蚶蟹爪，见到都开心！佢系用西式的炒法去处理啲海鲜，带点辣但又不会过辣，几惹味。朋友钟意食蟹，差不多拎晒黎食。 最后食埋个香浓的绿茶布甸，少少地，唔太饱，刚刚好。下次有机会就试埋个蟹锅先。