鏞記酒家

营业中

休息中

通常去镛记食晚餐居多，今次就试下晏昼食饭，点心种类唔算多，不过贵精不贵多，相信样样都有一定既质素。原来镛记既点心全日都会供应，夜晚都可以饮杯靓茶，叹下一盅两件！😉🥢蜂巢松化炸芋角不嬲都唔好炸野，但呢个芋角炸得金黄酥脆，都忍唔住食晒一旧。芋头味好浓，一啲油溢味都无，面头炸到好似蜂巢咁乱中有序，里面就系绵绵既芋头！☺️🥢咖喱荔芋金钱肚芋头蒸得绵密，入口即化，金钱肚都洗得好干净，无牛骚味，经过长时间既腌制，每旧牛肚都被咖喱酱包住。咖喱酱绝非一般货色，香料味突出，辣中带甜，好食😍🐥四宝淮山鲜鸡扎四宝姐系新鲜鸡件，鱼肚，猪肚同冬菇，再用淮山条扎住佢哋🫔！鸡肉滑嫩，不过有骨，要小心食。餐厅选用真既鱼肚，蒸至入味。每样食材都系真材实料🫶🏻，食得出原汁原味！🐖炭烧葱油叉烧包卖相虽然唔系好靓仔，但味道搭够🥰！叉烧酱甜而不腻，肥瘦适中，葱油中和左口腔既甜度，高水准之作。🫶🏻🐄陈皮淮山牛肉球一上台就传黎阵阵陈皮甘香味，牛肉球充满肉味，用上新鲜既牛肉，爽脆既淮山增加左口感，减轻肉肉带黎既负担。😋🥢XO酱腊味萝卜糕萝卜糕好足料，有腊肉，冬茹，干瑶柱同萝卜丝。用XO酱炒好惹味，连埋洋葱丝同翠绿既青葱一齐炒，滋味爆灯