影片
开饭介绍
由烧味大牌档开始做起的镛记，现已发展成中外闻名的粤菜馆，多年来镛记酒家获奖无数，尤其以烧鹅驰名，不少外国游客慕名而至，回国时更订购特别包装的烧鹅，故有「飞天烧鹅」之称号。
继续阅读
奖项殊荣
最优秀开饭广东菜馆 (2008-2011,2014), 最优秀中西区开饭热店 (2010)
特色
同客食饭
适合大伙人
附加资料
开瓶费300
营业时间
今日营业
11:00 - 22:30
星期一至日
11:00 - 22:30
以上资料只供参考，请与餐厅确认详情
相关文章
好耐无嚟镛记，今次同屋企人嚟食饭，谂住都系食开𠮶啲烧鹅叉烧啦，点知俾我哋发现到几味新菜式（定系我太耐无嚟唔知啫？），胆粗粗试下，又几有惊喜㖞！首先嚟个洛神花山渣骨腩，个名已经够晒特别啦！啲骨腩炆到好腍，酸酸甜甜好开胃，洛神花同山渣个味好夹，女仔实钟意。跟住个上汤腿丝浸时蔬 ，菜够嫩，汤够清甜，食完啲浓味嘢清清个口腔都唔错。 个豉蒜凉瓜牛冧肉镬气十足，凉瓜甘甘哋，牛肉够嫩滑，豉蒜味劲香，送饭一流！最后个银棯酱蒸鲜斑腩，初头都惊个银棯酱会唔会好怪，点知蒸出个酱带少少咸香果香，同斑腩嘅鲜味劲夹，鱼肉又滑嘟嘟，好快就清咗成碟！总括嚟讲，今餐都几有惊喜，下次可以再嚟试下其他！
继续阅读
放假约咗旧同学去中环镛记吹水饮茶，两个人食唔到几多嘢，所以都系叫咗啲几笼点心同埋炒咗两碟菜。虽然我哋系求其点菜，不过出品就真系一啲都唔求其，每一道菜都食得出用料上乘绝不马虎，令我意想不到嘅系呢度嘅点心都可以整得咁出色，尤其系咖喱荔芋金钱肚，下次嚟一定要食多次！
继续阅读
几个老友好耐冇聚，相约镛记食返餐好嘅，闲话家常！陈皮蒜子蒸斑腩，肉质厚实，夹杂住淡淡嘅陈皮清香，相对平衡返斑腩嘅油脂，口感一流。当红脆皮炸子鸡 ，外皮酥脆，肉质细嫩，齿颊留香。鸡枞菌炒豚爽肉，估用嘅应该系猪颈肉，好爽好脆，一啲都唔觉得有肥猪肉果种感觉。滑蛋炒虾仁系家常菜之中嘅送饭神菜，基本好快清碟~~蔬菜就选择咗胡椒春菜咸骨煲，有肉有菜，当季嘅春菜真系好鲜嫩，连啖汤都好味道！
继续阅读
终于有个周末系唔洗开OT，难得有时间梗系陪下屋企人啦！老豆一早就book定咗去镛记饮茶，原来镛记除咗烧鹅之外，点心都系好好味，作为烧卖爱好者嘅我基本每次饮茶必点烧卖，呢度嘅烧卖大大只，啖啖肉，配埋瑶柱真系好丰富嘅口感，好满足！仔仔想食甜品，点咗份酥皮蛋挞，真系一分钱一分货，同出边啲蛋挞真系天渊之别！虾饺晶莹剔透，皮薄馅靓，每只都鲜味十足！
继续阅读
镛记对我嚟讲系一个充满情怀嘅老字号，无论系同朋友饭局定家庭聚会，呢度永远系个稳阵之选。一定要试嘅当然系佢哋嘅招牌炭烧烧鹅，烧鹅肉质嫩滑多汁，肥瘦适中，沾啲酸梅酱，味道层次丰富，绝对系全餐焦点！仲试咗蒜片芥末大虾球，虾球弹牙鲜甜，芥末嘅微辣同蒜片嘅香气好夹，食落开胃又过瘾，系一道好有惊喜嘅菜！金蛋蒸手刴肉饼都系亮点，手刴肉饼质感松软，蛋液蒸得滑溜，咸香适中，入口有种家常嘅温暖感；银棯带子蒸豆腐更加出色，豆腐嫩滑如丝，带子鲜甜，银棯嘅清香为整道菜加分，食完真是一个字—正！蟹肉鲜菰西兰花嘅西兰花爽脆，鲜菰嫩滑，蟹肉鲜甜， 平衡晒其他浓味菜。已经同朋友讲好，下个月再嚟过。
继续阅读
您可能会有兴趣的...