火五越式牛肉粉專門店 (其昌樓)

营业中

休息中

火五火车头牛肉粉（$6️⃣2️⃣）佢真系超大碗，拎上嚟𠮶下吓亲我🤣。一睇就知份量好多，配料都唔算少。个汤底做得几唔错，好惹味，啲河粉都好滑，佢仲有自家制嘅XO酱😍，忍唔住捞埋啲河粉一齐食。火五炭烧鳗鱼饭（$4️⃣8️⃣)估唔到越南铺都有鳗鱼食，仲要块鳗鱼都几大块同厚肉，味道都ok，48蚊真系几抵😯，叫得过！不过佢啲饭唔系一般嘅多，细食嘅朋友可以叫少饭🤣，女仔应该食唔晒。黄金虾球（$4️⃣8️⃣）佢一共有五只虾，每只虾都OK大只，每只炸虾层炸粉都好平均咁沾上咗咸蛋黄酱，好好食呀，我觉得呢个可以encore❗️意大利黑醋汁蒜蓉牛油鸡翼($4️⃣8️⃣）挣扎咗好耐应该叫香茅鸡翼定系呢个，最后忍唔住叫咗呢款🤣，因为好好奇佢咩味。唔知系咪因为加咗黑醋汁嘅缘故，我觉得食落去冇咁漏，酸酸地，而佢啲蒜蓉本身都腌过，同平时食嘅蒜蓉牛油鸡翼有啲唔同，几有新意。而啲鸡肉仲保留到肉汁，几好。