影片
更多
2024-09-14
65 浏览
终于约到呢间Omakase，由以前北角食开，到搬咗去铜锣湾仍然保持到高质素，餐厅空间唔算好大，每晚招待到十二个客人左右，所以记得book定位。每一个/对客人都有一个特定嘅师傅招呼，由制作到介绍，绝不马虎。Omakase讲求环境服务，呢度嘅环境舒适宁静，虽然唔系豪华装修，但有日本地道感觉，服务态度好，经常换碟斟茶，照顾到食客。前菜有新鲜蕃茄腌制南瓜，非常新鲜，酸度恰当，好醒胃。跟住有北海道生蚝，配冲绳海葡萄同三文鱼籽吊味，加埋自家制啫喱、柚子皮，味道好多层次，加埋生蚝新鲜肥美，口感食落爽口，特别钟意佢停留喺口腔嘅creamy味道。再嚟系高级食材，原只北海道紫海胆，加啲三文鱼籽，切碎嘅甜虾肉，配法国Caviar，味蕾既享受😎前菜继续有西班牙红虾，底部放咗炙烧过既虾头膏酱，非常香，虾头拎去脆炸完配椒盐粉，索索声又香，好正。刺身应该系按时节，师傅话今次就系「平政鱼 」，一种夏天鱼，系油甘鱼近亲，偏清甜，所以师传用咗啲松露豉油去吊多啲味道。另外仲有爽软既北海道北寄贝，配青柠汁，令口感味道都特别fresh。烧物有「脑天」，系吞拿鱼额头，烧香 配中吞拿鱼刺身夹紫苏叶海盐，油脂香味十足前菜未完，仲有用
每一个/对客人都有一个特定嘅师傅招呼，由制作到介绍，绝不马虎。Omakase讲求环境服务，呢度嘅环境舒适宁静，虽然唔系豪华装修，但有日本地道感觉，服务态度好，经常换碟斟茶，照顾到食客。
前菜有新鲜蕃茄腌制南瓜，非常新鲜，酸度恰当，好醒胃。
跟住有北海道生蚝，配冲绳海葡萄同三文鱼籽吊味，加埋自家制啫喱、柚子皮，味道好多层次，加埋生蚝新鲜肥美，口感食落爽口，特别钟意佢停留喺口腔嘅creamy味道。
再嚟系高级食材，原只北海道紫海胆，加啲三文鱼籽，切碎嘅甜虾肉，配法国Caviar，味蕾既享受😎
前菜继续有西班牙红虾，底部放咗炙烧过既虾头膏酱，非常香，虾头拎去脆炸完配椒盐粉，索索声又香，好正。
刺身应该系按时节，师傅话今次就系「平政鱼 」，一种夏天鱼，系油甘鱼近亲，偏清甜，所以师传用咗啲松露豉油去吊多啲味道。另外仲有爽软既北海道北寄贝，配青柠汁，令口感味道都特别fresh。
烧物有「脑天」，系吞拿鱼额头，烧香 配中吞拿鱼刺身夹紫苏叶海盐，油脂香味十足
前菜未完，仲有用味醂昆布酒腌制两日既机主鲍鱼，味道口感都好正
再有烧三文鱼下巴位 （稀有部位），加分子料理南瓜汤球，一口过咬好过隐
跟住就有五款寿司，包括真鲷鱼、烟熏炭烧深海池鱼 烟熏炭烧，北海道岂知次 ，北海道马粪海胆寿司等。师傅熟悉每款寿司配搭，用适当嘅调味料，带出每款鱼肉既味道
最后仲有鱼汤，用鱼头鱼肉加猪骨煲5-6小时，补翻啲胶原bb，加埋静冈蜜瓜作结尾，非常满足
张贴
