板長壽司 (東角Laforet) (已結業)

今日同宝宝谂住食好啲去食寿司，铜锣湾谂到嘅寿司铺就得板长，当然即刻去啦。七点几左右，唔使排队。店员问我地有冇download手机应用程式，有就可以做会员储分。咁我哋就用手机落单。坐咗一张二人枱，同人搭枱就有啲迫，听到晒隔离讲嘢就唔系咁好。啲嘢来得好快，系2分钟内就已经有寿司，心谂系咪一早整定先🍣～叫咗个丼：好细碗，同照片有出入。比较突出嘅系三文鱼片，海胆呢就冇咩味，有啲失望。几件军舰、寿司、手卷～其实冇一件可以有好深刻嘅印象。食材又唔算特别新鲜，饭亦都偏酸～如果要赞嘅话，佢哋嘅鱼子军舰、甜虾size系偏大，几抵食。其他嘅就悉随尊便咁嗌啦～连锁店来讲有待改善，期待下一次会有进步。