影片
更多
2024-04-16
3712 浏览
🌻推荐指数：西班牙面包配橄榄油和意大利黑醋：7.5/10蜜思嘉：8.5/10美国荷斯登牛腰扒：8.5/10义大利烩牛膝：9/10忌廉牛油薯蓉：9.5/10环境整洁：8/10情调：8.5/10服务态度：8.5/10人均消费：$298 +10%整体评分：8.5/10食评：后街牛扒，顾名思义，系一间坐落喺湾仔道后街交加里既扒房，以牛扒驰名。同熙来攘往既湾仔道截然不同，交加里人烟稀少，环境清静。餐厅室内装潢略别具一格，两面墙以无数酒樽同木箱装饰，带西洋风，对面灰色墙身则有挂画同九龙皇帝风格既涂鸦点缀，将本地元素融入西方色彩之中。去到黄昏时分，餐厅会将灯光较暗，非常适合情侣或者密友一齐畅谈心事。我地两人总共点左两份A La Carte。首先登场既系西班牙面包配浅黄色橄榄油同埋深褐色意大利黑醋两款酱料。西班牙面包即叫即整，上碟时仲系触手温暖，外皮干脆，内里软熟蓬松，沾上橄榄油入口有淡淡既麦香余韵。如果中意食甜既朋友不妨试吓沾意大利黑醋，醋味温纯细腻，葡萄芬芳，略带微甜，亦都系唔错既选择。面包免费任添，侍应亦会主动上前询问，所以如果等紧主菜饥饿难耐既话不妨再叫多一碟同朋友分享。食完面包略嫌口干既话可
西班牙面包配橄榄油和意大利黑醋：7.5/10
蜜思嘉：8.5/10
美国荷斯登牛腰扒：8.5/10
义大利烩牛膝：9/10
忌廉牛油薯蓉：9.5/10
环境整洁：8/10
情调：8.5/10
服务态度：8.5/10
人均消费：$298 +10%
整体评分：8.5/10
食评：
后街牛扒，顾名思义，系一间坐落喺湾仔道后街交加里既扒房，以牛扒驰名。同熙来攘往既湾仔道截然不同，交加里人烟稀少，环境清静。餐厅室内装潢略别具一格，两面墙以无数酒樽同木箱装饰，带西洋风，对面灰色墙身则有挂画同九龙皇帝风格既涂鸦点缀，将本地元素融入西方色彩之中。去到黄昏时分，餐厅会将灯光较暗，非常适合情侣或者密友一齐畅谈心事。
我地两人总共点左两份A La Carte。首先登场既系西班牙面包配浅黄色橄榄油同埋深褐色意大利黑醋两款酱料。西班牙面包即叫即整，上碟时仲系触手温暖，外皮干脆，内里软熟蓬松，沾上橄榄油入口有淡淡既麦香余韵。如果中意食甜既朋友不妨试吓沾意大利黑醋，醋味温纯细腻，葡萄芬芳，略带微甜，亦都系唔错既选择。面包免费任添，侍应亦会主动上前询问，所以如果等紧主菜饥饿难耐既话不妨再叫多一碟同朋友分享。
西班牙面包配橄榄油和意大利黑醋
123 浏览
3 赞好
0 留言
食完面包略嫌口干既话可以饮一啖welcome drinks。今次我地拣既系汽泡型蜜思嘉moscato，浓郁香甜既水果香为口腔带嚟清新既感觉，又可以同朋友开心事台，一齐准备好迎接主角登场。
Moscato
107 浏览
2 赞好
0 留言
第一味主菜系五成熟美国荷斯登牛腰扒（USDA BRANDT BEEF PRIME HOLSTEIN BAVETTE) 配法式忌廉牛油薯蓉。荷斯登牛腰扒系来自美国头三甲牧场，就算有一定厚度依然唔觉韧，肉质嫩滑，咀嚼几啖成口已经充满油香浓郁既肉味。再加上表面切碎既蒜蓉香草同埋酱汁，令味道升华至另一种层次。
美国荷斯登牛腰扒（USDA BRANDT BEEF PRIME HOLSTEIN BAVETTE) 配法式忌廉牛油薯蓉
154 浏览
2 赞好
0 留言
第二味主菜系义大利烩牛膝 (OSSOBUCO)配法式忌廉牛油薯蓉。同第一味最大既分别系佢带有牛骨同埋少量肥腴既牛筋，牛膝经过细火慢炖之后肉质变得更为软嫩。同第一味一样，伴碟既法式忌廉牛油薯蓉极致绵密细滑，入口即溶。
义大利烩牛膝 (OSSOBUCO)配法式忌廉牛油薯蓉
162 浏览
4 赞好
0 留言
题外话/补充资料：
因为每份牛扒系按照顾客既要求即叫即煮，烹调需时，所以笔者建议如果有心一试既朋友记得要预留充足既时间（大约1.5小时），咁先可以品尝到真味道。
(以上食记乃用户个人意见 , 并不代表OpenRice之观点。)
张贴
