春城銅鍋米線

营业中

休息中

新开位于朗豪坊附近既米线小店，同连锁既谭仔三哥好相似，都系先拣汤底再自由配𩠌，仲可以加配小食。坐低发现店名好有意思，原来春城一词系黎自「云南昆明，四季如春，又名春城」，餐厅应该系走云南米线既路线～🥢虫草花椰子鸡米线朋友仔唔食得辣，所以叫左呢款养生米线！先试一啖汤头，椰香味十足，有好多虫草花，木耳同红枣，够晒鲜甜又唔会感到油腻。虽然无加钱转鸡脾，但好好彩姐姐都俾左脾位我地🫶🏻鸡件切开方便食用，仲俾碟仔装骨头！🥢酸酸辣辣铜锅米线汤头包左一堆配菜，有肉碎，芽菜，腐皮，酸菜，木耳丝同甜酸菜，叫左bb辣再配一大堆酸酸甜甜既酸菜，汤头好够味，米线软硬适中又以铜锅上台，保持热辣辣！配菜拣左墨鱼丸同唐扬炸鸡件，前者好粉，食唔到墨鱼既鲜味，似系街度买黎打边炉个种cheap cheap货色🙈而炸鸡炸得几香口，粉浆小小厚，入口尚算juicy，而且有四大件，cp值几高！🦐炸脆脆虾胶豆卜见到差唔多台台都有嗌既小吃！第一次见豆卜酿虾胶，平时通常都系油炸鬼配虾胶。油炸完好香脆，难得地唔油腻，外层酥脆内层虾胶弹牙，再蘸少少泰式辣酱，食到停唔到口！📍春城铜锅米线旺角砵兰街175号地舖