鳴虎 (北帝街) (已結業)

突然间好想食拉面，见到屋企附近有间，见到装潢同日本啲拉面小店好似，睇到menu 见价钱公道，就决定试下！.呢到仲会每周推出不同款既特价外卖丼套餐, $38劲抵，晚餐又多个选择。.🔹赤虎🔹呢个系特浓辛口拉面，唔食得辣既人千奇唔好叫，因为汤底系真辣，有后劲。佢汤浓厚得黎唔会话好油腻，系可以接受既。加左细面好挂汁，啖啖都又辣又惹味。叉烧半肥瘦，一咬就散，好腍好味道。🔹黑鸣虎🔹呢款系博多黑蒜油拉面，汤头唔油，浓淡度适中，咸度都岩岩好，配上大量香葱，重口味人表示大爱。每碗都会配上原只溏心蛋，整得熟到刚好又入味。🔹肉饺子🔹正常发挥，热辣辣新鲜整好，味道都唔错。