台北人 (已結業)

其实本身想食猪手，点知去到卖晒，下回要请早～鲭鱼便当冇谂过鲭鱼可以拎去炸，但食落又唔干，比想像中好食（开头冇咩期望😂）。鱼肉都几厚，好多肉，不过有少量骨，要小心。另外配料份量都好多，粉丝好惹味。虾卷便当另外个虾卷都几好食，我个人中意虾卷多啲，因为啱我口味。炸得好香口，有虾既鲜甜咁，𩠌饭几正。不过佢真系太多饭啦，食唔晒呀，下次可能要叫佢少饭。小食叫咗个炸甜不辣，老实讲就唔系我杯茶😂，不过屋企人好欣赏，所以真系口味问题。佢口感好烟韧，好少少甜味咁。饮品加咗钱要QQ果鲜奶茶，呢个好好饮，唔太甜，用咗鲜牛奶，奶味更香浓。其实佢比较多人食既应该系炸排骨同埋炸鸡髀便当，不过今日唔想太热气（虽则今日叫既都系炸嘢）。我觉得个价钱都算系咁，好大盒，份量好够，仲配冬瓜茶，住附近唔想煮饭可以考虑吓。