祥榮餐廳

营业中

休息中

呢间好耐之前食过一次，最近见佢啱啱装修完，所以再去食过。我叫咗一个铁板餐，系自选嘅，我拣咗龙脷柳同埋大虾，再配埋意粉。佢另外包一杯饮品、餐包同埋餐汤，所以真系食得劲饱。个铁板餐一上嚟𠮶阵时，佢就俾咗张纸巾我，叫我打开张纸巾拎住佢，然后佢就倒咗啲汁上去个铁板到，哇，即刻冒晒烟。味道同平时食到嘅差唔多，但系佢另外仲有粗薯条，同埋好港式味道嘅意粉，真系好怀念。我屋企人就叫咗个小菜，豆豉鲮鱼生菜，份量比想像多，估唔到豆豉鲮鱼配生菜都几夹，同埋用煲上嘅话佢keep到温度。