影片
更多
2018-10-23
1349 浏览
屯门长大的我如果要食大排档通常会去何福堂附近𠮶啲大排档，但我真系唔知道原来响工厂区近屯门西铁站附近竟然都有大排档食，而且仲几出色添！👍今次朋友带我嚟到呢间叫做建荣特色桑拿菜，喺屯门西铁站附近大概行10分钟，好彩朋友带路我先识来，一路上人影都唔多只但系去到𠮶度竟然别有洞天！超级多人热闹！😱唔通呢度已经好多人识系我唔识😢入到去坐我见到menu好多嘢食呀🤩大排档我一定要点咕噜肉，见到佢有薯仔牛柳粒梗系顺便点埋啦，再点多碟虫草花蒸鸡，太多肉我哋要多个海鲜杂菜煲就差不多了。上菜嘅时候我几惊喜见到佢每碟𩠌嘅size系几大几多的，首先招牌咕噜肉（$88）配上青红椒同埋菠萝，颜色非常之靓，同一般嘅咕噜肉唔同系佢唔算太肥，似系用一啲比较爽嘅梅肉，而且每一粒肉嘅大细均一，酱汁甜酸恰到好处相当醒神开胃，令人不禁一粒接一粒。薯仔牛柳粒佢叫做百花蜜牛柳粒（$98）系我每次去大排档如果见到佢有都会一定点㗎，佢呢间嘅薯仔牛柳粒都算整得唔错，薯仔煎得脆身，牛柳粒粒粒六七成熟，好juicy 好嫩呀🤩虫草花蒸鸡同样劲大碟，十分足料鸡肉蒸得啱啱好，鲜嫩无雪味，铺上荷叶去蒸有阵阵荷香，加埋虫草花同埋云耳成件事好养生啊😝因太多
屯门长大的我如果要食大排档通常会去何福堂附近𠮶啲大排档，但我真系唔知道原来响工厂区近屯门西铁站附近竟然都有大排档食，而且仲几出色添！👍
今次朋友带我嚟到呢间叫做建荣特色桑拿菜，喺屯门西铁站附近大概行10分钟，好彩朋友带路我先识来，一路上人影都唔多只但系去到𠮶度竟然别有洞天！超级多人热闹！😱唔通呢度已经好多人识系我唔识😢
入到去坐我见到menu好多嘢食呀🤩大排档我一定要点咕噜肉，见到佢有薯仔牛柳粒梗系顺便点埋啦，再点多碟虫草花蒸鸡，太多肉我哋要多个海鲜杂菜煲就差不多了。
上菜嘅时候我几惊喜见到佢每碟𩠌嘅size系几大几多的，首先招牌咕噜肉（$88）配上青红椒同埋菠萝，颜色非常之靓，同一般嘅咕噜肉唔同系佢唔算太肥，似系用一啲比较爽嘅梅肉，而且每一粒肉嘅大细均一，酱汁甜酸恰到好处相当醒神开胃，令人不禁一粒接一粒。
招牌咕噜肉
$88
33 浏览
0 赞好
0 留言
薯仔牛柳粒佢叫做百花蜜牛柳粒（$98）系我每次去大排档如果见到佢有都会一定点㗎，佢呢间嘅薯仔牛柳粒都算整得唔错，薯仔煎得脆身，牛柳粒粒粒六七成熟，好juicy 好嫩呀🤩
百花蜜牛柳粒
$98
17 浏览
0 赞好
0 留言
18 浏览
0 赞好
0 留言
虫草花蒸鸡同样劲大碟，十分足料鸡肉蒸得啱啱好，鲜嫩无雪味，铺上荷叶去蒸有阵阵荷香，加埋虫草花同埋云耳成件事好养生啊😝
虫草花蒸鸡
$88
20 浏览
0 赞好
0 留言
因太多肉而点的海鲜杂菜煲好多杂菜，但同有好多海鲜，粉丝索晒啲汤好好味😛
海鲜杂菜煲
$88
31 浏览
0 赞好
0 留言
全晚真系食𩠌都食饱啊！连埋嘢饮食咁多野买单都唔使$400，几时都话港式大排档真系大碟夹抵食，最紧要系几好食！呢间大排档真系唔错，值得推介👍不过要睇吓个地点有少少难揾，可能要自己揾吓地图😅
______________________________
店名:建荣特色桑拿菜火锅店
环境🏝：6/10
服务💁🏼♀️：8/10
价钱💰：8.5/10
食物质素🍝： 8.5/10
整体🙆🏻♂️：8/10
地址:
屯门建荣街32号建荣熟食市场地下C6号舖
#吃货玩乐在屯门
#吃货玩乐
#建荣特色桑拿菜
张贴
