木玥巷 (已結業)

平时好少入元朗，今次放工去咗朋友屋企，咁我哋就喺附近拣咗一间台湾嘢食，估唔到有几有惊喜㖞！金沙抹茶奶泡抹茶味都几浓，奶味适中，唔会好甜。玫瑰可可鲜奶饮落去好香玫瑰味，但又唔会遮盖左可可鲜奶味，啱啱好。凤梨虾球呢个好好食😋！佢系炸左嘅虾球配埋菠萝同埋沙律酱，菠萝酸酸甜甜，就算外层包左一层沙律酱，但加埋菠萝一齐食都唔会漏，虾球好爽口弹牙，呢个我哋好快就清晒！炒水莲第一次食炒水莲，本身食唔惯，但食食吓又觉得OK㖞，佢系好爽口嘅菜，结果食下食下就成碟清晒😂。蟹肉金丝炒新竹米粉呢个推介必食！份量超多，而且蟹肉份量都唔少，米粉炒得好干身，入面应该加咗啲芽菜同瓜，所以食落都几爽口。地瓜条由于我系劲钟意食番薯条嘅人，见到呢个忍唔住叫，上面加咗啲梅子粉，几开胃。琥珀合桃其实呢样嘢系一坐低佢就会送上嚟嘅，我都系第一次食台湾菜会送琥珀合桃，好食到我最后忍唔住买咗一盒走，佢色泽好靓，而且每一粒合桃都包左层糖衣咁，好香芝麻味，其实呢样嘢好考功夫，因为好容易炸到㶶咗有苦味，所以呢个真系有惊喜！