California Pizza Kitchen (已結業)

今日同家姐嘅几个朋友嚟到将军澳嘅POP CORN，正值晚饭时段，我哋就分头逐间餐厅拎飞，边间快就食边间，结果就系登登登登，CALIFORNIA PIZZA。超肚饿嘅我哋叫咗黑松露汤，前菜就系墨西哥风味鸡肉烤饼，而主食就叫咗秘制鲜蘑菇、辣肉肠、肉肠薄饼、生菜包同埋蒜香忌廉汁鸡肉阔面。个人而言，今餐我最钟意个黑松露汤，松露味十足，而且blend得均匀香滑，一饮就知系自家制绝对对得起个价钱，对比起某d餐厅比七八十蚊但serve罐头汤真系相当有诚意!墨西哥风味鸡肉烤饼整体不错，鸡肉想辣，份量一份作为前菜的话唔多唔少刚刚好，如果个皮可以脆身小小就更加好。秘制鲜蘑菇、辣肉肠、肉肠薄饼，值得一提嘅系铺喺pizza面嘅辣肉肠，辣得过瘾，风味十足，不过唔食得辣嘅朋友就最好唔好叫啦。而最后嘅生菜包同蒜香忌廉汁鸡肉阔面都系一般。生菜包就真系普通嘅生菜包，虽然配上嘅酱汁几特别，但都带唔倒佢走出平庸。而蒜香忌廉汁鸡肉阔面，冇蒜味，忌廉汁亦冇乜，干身到不得了。下次再有机会嚟都系会叫返汤类同薄饼类比较稳阵。