影片
更多
2016-06-09
4209 浏览
由于波波成个波咁嘅关系，同又瘦又秀气嘅文青大缆都扯唔埋，但偶尔都会去下啲文青餐厅，吸收下啲文青嘅仙气，但今次波波嘅结论系，文青嘅胃应该特别细，唔怪得佢哋咁瘦啦！睇下个门面先，唔系呃你唔系揾笨，坚系几文青下！好喇，入到去呢，就会有啲文青小鲜肉畀个头盘，即系面包呀，唔好谂错，畀你食嘅！OKay，其实波波会觉得啲小鲜肉应该会好食啲好啦，讲返啲真系食得嘅先，呢个叫唔知乜乜蟹肉头盘。有啲青瓜啦、蟹肉啦、Cream Cheese啦、仲有啲红色一块块唔知乜，沟埋一齐感觉系Fresh嘅，啲蟹肉面几鲜味，唔知系咪小鲜肉手拆蟹肉嚟呢？之后叫咗道唔知鸡乜乜乜嘅𩠌，目测有十几嚿鸡啦，三嚿炸咖哩薯仔戟，仲有只温泉蛋𠻹，配埋啲西芹忌廉汁，个配搭系几新鲜嘅，味道虽然唔算好突出，但feel到有心机噜，不过好似波波呢啲咁大食嘅，就会食唔饱喇！食唔饱，唯有叫多个罗勒叶意粉，如你所见，就系搅碎咗嘅罗勒叶加意粉啰！值得赞嘅系佢几块烧咗整到好似花瓣嘅洋葱，系几sweet嘅！好喇，食醉梗系要饮饱啦，波波就叫咗个鼠尾花加青柠嘅饮品，嗱，望落蓝蓝地系几靓嘅！不过饮落就冇乜味，得个样啰！查实如果你系文青嘅话，都可以嚟影下相扮晒嘢咁，不
睇下个门面先，唔系呃你唔系揾笨，坚系几文青下！
好喇，入到去呢，就会有啲文青小鲜肉畀个头盘，即系面包呀，唔好谂错，畀你食嘅！
OKay，其实波波会觉得啲小鲜肉应该会好食啲好啦，讲返啲真系食得嘅先，呢个叫唔知乜乜蟹肉头盘。
有啲青瓜啦、蟹肉啦、Cream Cheese啦、仲有啲红色一块块唔知乜，沟埋一齐感觉系Fresh嘅，啲蟹肉面几鲜味，唔知系咪小鲜肉手拆蟹肉嚟呢？之后叫咗道唔知鸡乜乜乜嘅𩠌，目测有十几嚿鸡啦，三嚿炸咖哩薯仔戟，仲有只温泉蛋𠻹，配埋啲西芹忌廉汁，个配搭系几新鲜嘅，味道虽然唔算好突出，但feel到有心机噜，不过好似波波呢啲咁大食嘅，就会食唔饱喇！
食唔饱，唯有叫多个罗勒叶意粉，如你所见，就系搅碎咗嘅罗勒叶加意粉啰！
值得赞嘅系佢几块烧咗整到好似花瓣嘅洋葱，系几sweet嘅！好喇，食醉梗系要饮饱啦，波波就叫咗个鼠尾花加青柠嘅饮品，嗱，望落蓝蓝地系几靓嘅！
不过饮落就冇乜味，得个样啰！查实如果你系文青嘅话，都可以嚟影下相扮晒嘢咁，不过好似波波呢啲大食妹，都系够摄牙缝三角位咋！
张贴
