摩登堂 (荃灣廣場) (已結業)

全新泰国餐厅「摩登堂 More than Thai 」登陆荃湾广场，感觉相对新派，仲有部份特色打卡菜式，以及大量加入泰式元素嘅饮品、水果茶、沙冰，及雪糕甜品等等。冬阴功红虾汤 ($88/2位用): 原锅上keep warm唔怕变冻急住饮。汤头偏浓郁，冬阴功味重，有大量海鲜，包括红虾两只、鱿鱼、青口及蚬，整体新鲜，亦令个汤更香甜，最后，辣度适中（对本人而言，因汤内有大量指天辣粒，大概有谭仔小辣程度，友人饮一啖已经顶唔顺，但食开谭仔特辣的我表示正常并有少少辣味）。炭烧牛肉串烧 ($18@ 3串起): 肉嫩带点脂肪，油香丰富，肉味适中，加上沙嗲酱汁，几惹味。手工月亮炸虾饼 ($58/4件): 外层酥脆，肉质紧致Q弹，虾味浓郁，蘸泰式香辣/甜酸酱更香口。泰国D24榴梿酥球 ($48/4件): 外皮香脆，内里软糯，非常酥香，D24榴梿味颇香甜。鲜芒生椰杨枝金露 ($42): 饮品其实都几大杯，500ML，饮完都好饮食左个甜品咁，沙冰仲夸，750ML成座山咁高。芒果份量多，富椰香，好似食紧杨枝金露糖水咁。