影片
更多
2022-07-28
36 浏览
知道东荟城名店仓首度联乘罐头猪 LuLu 携手打造「夏日绿『豚』园」主题活动，而三楼嘅Banchan & Cook餐厅推出期间限定超萌 LuLu 猪田园餐单，即刻带仔仔（猪仔包）去朝圣一下💨💨💨一去到门口，就见到大大只LuLu猪等紧我哋打卡📸好可爱呀😍由于网上订唔到位，唯有排队walk in，但条人龙非常长，妈妈话下次先食，但猪仔包点都唔肯，咁唯有排啦。好黑仔地，差两张枱我哋先入到，要等上一轮食完嘅人走，先有机会再入😭，仲要等嘅时候有预先订到位嘅人嚟，最后等咗差不多一个半钟先入到去😮💨下次去真系要订定位先得。仲未算最黑，入到去落完单被通知最想食嘅「#LuLu猪咯咯鸡蛋包饭🍳」刚刚卖晒🥺，好彩另外嘅「#LuLu猪超松软牛角包窝夫🥐」甜品同「#甜蜜蜜LuLu猪乳酪🥤」饮品未售罄，唔系妈妈应该会晕响度😵💫「#LuLu猪超松软牛角包窝夫🥐」同「#甜蜜蜜LuLu猪乳酪🥤」都好快上菜，妈妈意为猪仔包可能等太耐饿过头所以狼吞虎咽，但原来味道相当唔错，打破咗主题餐厅好睇唔好食嘅定律🤣先讲「#LuLu猪超松软牛角包窝夫🥐」，个窝夫上枱时热辣辣，未食已经闻到香味，而窝夫质感好似牛角包咁，层层松软，同平
一去到门口，就见到大大只LuLu猪等紧我哋打卡📸好可爱呀😍
由于网上订唔到位，唯有排队walk in，但条人龙非常长，妈妈话下次先食，但猪仔包点都唔肯，咁唯有排啦。好黑仔地，差两张枱我哋先入到，要等上一轮食完嘅人走，先有机会再入😭，仲要等嘅时候有预先订到位嘅人嚟，最后等咗差不多一个半钟先入到去😮💨下次去真系要订定位先得。
仲未算最黑，入到去落完单被通知最想食嘅「#LuLu猪咯咯鸡蛋包饭🍳」刚刚卖晒🥺，好彩另外嘅「#LuLu猪超松软牛角包窝夫🥐」甜品同「#甜蜜蜜LuLu猪乳酪🥤」饮品未售罄，唔系妈妈应该会晕响度😵💫
「#LuLu猪超松软牛角包窝夫🥐」同「#甜蜜蜜LuLu猪乳酪🥤」都好快上菜，妈妈意为猪仔包可能等太耐饿过头所以狼吞虎咽，但原来味道相当唔错，打破咗主题餐厅好睇唔好食嘅定律🤣
先讲「#LuLu猪超松软牛角包窝夫🥐」，个窝夫上枱时热辣辣，未食已经闻到香味，而窝夫质感好似牛角包咁，层层松软，同平时食开嘅窝夫好唔同，再配合埋cream同🍓士多啤梨食一齐食，完全唔会觉得油腻，非常好味😋再配埋水果同LuLu猪牌做装饰，卖相一流，而个LuLu猪曲奇🍪好香牛油味之余仲好松脆，非常有惊喜。
另外，「#甜蜜蜜LuLu猪乳酪🥤」其实系香蕉🍌士多啤梨🍓乳酪饮品，底层系士多啤梨酱，中层系香蕉乳酪，面层同糖霜画咗LuLu猪个萌样，打卡一流🤩仲要分层饮同沟埋一齐都一样好味😋
由于「#LuLu猪咯咯鸡蛋包饭🍳」卖晒，唯有点半份蜜糖无骨炸鸡🍗试吓，不过呢个反而点失望😞唔知系咪因为放咗一段时间先攞嚟，炸鸡同薯条都系唔热唔脆嘅，旧年糕仲好干添🤦🏻♀️
LuLu猪超松软牛角包窝夫
3 浏览
0 赞好
0 留言
甜蜜蜜LuLu猪乳酪
0 浏览
0 赞好
0 留言
蜜糖无骨炸鸡（半份）
2 浏览
0 赞好
0 留言
张贴
