Sky726

今次呢间餐厅喺25楼，超高😆，所以景观唔错。餐包+餐汤+沙律加饮品（$4️⃣8️⃣）几推荐大家加钱转套餐，都真系几丰富下。我好钟意佢既餐包，好松软。当日嘅蘑菇汤都唔错，菇味浓郁。我哋另外仲叫咗杯Mocha😆，都几大杯，甜度对我嚟讲啱啱好，好香滑。野菌意大利饭（$1️⃣9️⃣8️⃣）其实我觉得意大利饭真系好难整得好食，不过我觉得佢呢个味道唔错。菇嘅份量好多，饭既口感有迎合到香港人口味，唔会好硬，但又有烟韧度。佢上面仲晒咗啲芝士碎😌，口感更丰富。香煎是日鱼柳（$1️⃣7️⃣8️⃣）呢个大推！佢呢个鱼柳好新鲜，同时块鱼皮煎得好脆！煎到金黄色😋，鱼肉仲保持到好鲜嫩。我好钟意佢配藜麦咁食，感觉上成个餐健康咗🤣，而且同鱼都几夹。呢个主食有惊喜，好好味！蒙布朗蛋糕（$7️⃣8️⃣）叫埋个甜品先算完整既一餐！士多啤梨雪糕配朱古力蒙布朗，个蒙布朗系好食既，入面包住白色cream同埋朱古力蛋糕🍰，整体系几好食，不过对我来讲甜咗啲姐，啱钟意偏甜嘅朋友。其实我觉得佢成个环境都几适合朋友聚会🤣，当日我都系同朋友一齐去，环境系真系唔错，如果放返晚市堂食，坐喺窗边一定好正！