Heart Coffee (已結業)

佐敦一向都多嘢食，近几年开多咗好多Cafe、日本餐厅等等 ，今次就黎试呢间外表全白色、行简约风嘅Cafe 🤍🤍👅 Set dinner ( $ 148 ) - 香煎蟹饼配蕃茄沙沙蟹肉被压成一片，表面微微煎香，入口一刻蟹饼碎开，蟹肉分散系舌头之上，带来香浓嘅蟹肉味，蟹控应该要试下 🦀🦀至于蕃茄沙沙，新鲜微酸嘅蕃茄切成粒粒 🍅同沙律一齐食十分清新。 - 纽澳良鸡扒意大利饭鸡扒煎香后，表面洒上微辣既调味粉，香脆好滋味 💛 意大利饭比较湿润，粒粒分明可辨，西兰花味道鲜甜，一道菜齐哂各种营养所需 🤘🏻👅 草饲西冷扒（ $ 138 )食肉兽之选，160G 嘅西冷扒煎香后加上黑椒汁食用，入口就知系靓牛扒 🥩 牛味浓郁。而意粉令人惊喜，望落干身平平无奇，但入口就知有花工夫处理过，只因忌廉味浓厚，但又唔会显得腻味重油脂 ❣️❣️👅 蒜香辣椒炒鱿桶仔 ( $ 68 )开胃菜 😋 鱿桶仔用蒜同辣椒炒过，有一定辣度，蒜香味出。👅 百香菠萝蜜（ $ 40 )影相来讲打卡指数满分 📷 浸泡完一轮倒一杯出嚟饮。本身以为系一杯平平无奇嘅花茶，但入口就品味到百香果嘅花香味，同茶混和系扑鼻盈香，微甜味道相当不错 💓👅