T8 Japanese Cuisine (已結業)

🔸刺身沙律<平目昆布渍•王林苹果大根醋啫喱>平木鱼好新鲜肉质好爽口，酸汁啫喱完美enhance咗鱼嘅鲜味，连埋海胆一齐食口感层次好丰富！最底嘅日玉李苹果同萝卜丝好清爽，侧边绿色嘅系秋葵粒粒同样好fresh，完美地refresh返食完较重口味嘅海胆。🔸鲍鱼配鲍鱼肝酱南非鲍鱼好大只！鲜味够就算唔点肝酱都好好味～🔸A4和牛薄烧平时和牛薄烧都系夹洋葱，但今次师傅系和牛里面包住咗Wasabi昆布同牛蒡，咬落去脆卜卜口感好正，而且牛蒡正正中和到和牛嘅油腻感，perfect match！侧边嘅Asparagus都好新鲜，夹埋一齐食都唔错！🔸香葱吞拿鱼腩饭吞拿鱼腩蓉够油脂，好creamy！寿司饭选用咗赤醋同日本新潟鱼沼越光米，粒粒都好绵好好食！🔸鸡肉丸子清汤天气冻饮碗暖笠笠嘅汤最正，汤嘅松茸味好浓郁，鸡肉丸有啲脆骨系入面几得意。🔸日本汤叶芝麻雪糕配焦糖脆饼甜品好高质！影相靓味道又正！上面嘅焦糖脆米系岩岩焗起，又香又脆，中间系自家制日本芝麻雪糕，最底系日本豆乳整嘅汤叶，清清地唔会太甜，虽然好饱但我同朋友都食晒成个甜品！