影片
更多
2023-08-09
86 浏览
海老爱食者拉面 $148每日限定15碗嘅拉面！我哋13:30去到仲有！拉面一上枱都觉得好澎湃呀！有赤虾、虾头、樱花虾，虾头食落唔腥唔臭，咬落个壳仲脆口，唔会唔新鲜；赤虾系炙烧过，有烧过嘅香气之余，仲食到赤虾嘅甜味！汤底有浓浓嘅虾味，同樱花虾嘅香味，绝对唔系死咸又臭嘅虾汤，好饮👍🏻叉烧拉面 $98叉烧比基本拉面多2倍叉烧，叉烧肉嫩唔柴，不过冇咩味；溏心蛋熟度刚好，有蛋汁；汤底拣咗浓汤原味，饮落浓厚，好香猪骨味，但唔会咸。拉面虽然有质感，但咬落会糊口痴牙，煮得过熟，扣咗分。〰️〰️〰️〰️〰拉面汤底好饮，浓郁之余，食完都唔觉得口渴；海老爱食者嘅赤虾亦都好好食；但失色嘅系个面，食拉面，主角当然系个面啦，糊口嘅面真系唔得！所以其他嘢质素几高都好，都未必会回访！餐厅免加一，计落其实唔算贵，而且平日lunch time仲送汽水，路过唔洗等咪试下啰，话唔定今次个面咁啱失手啫🤭〰️〰️〰️〰️〰️〰️〰️〰️〰️〰️食物: 4/5性价比: 4/5 环境: 4/5服务: 4/5Revisit: No
海老爱食者拉面 $148每日限定15碗嘅拉面！我哋13:30去到仲有！拉面一上枱都觉得好澎湃呀！有赤虾、虾头、樱花虾，虾头食落唔腥唔臭，咬落个壳仲脆口，唔会唔新鲜；赤虾系炙烧过，有烧过嘅香气之余，仲食到赤虾嘅甜味！汤底有浓浓嘅虾味，同樱花虾嘅香味，绝对唔系死咸又臭嘅虾汤，好饮👍🏻
叉烧拉面 $98叉烧比基本拉面多2倍叉烧，叉烧肉嫩唔柴，不过冇咩味；溏心蛋熟度刚好，有蛋汁；汤底拣咗浓汤原味，饮落浓厚，好香猪骨味，但唔会咸。拉面虽然有质感，但咬落会糊口痴牙，煮得过熟，扣咗分。
〰️〰️〰️〰️〰
拉面汤底好饮，浓郁之余，食完都唔觉得口渴；海老爱食者嘅赤虾亦都好好食；但失色嘅系个面，食拉面，主角当然系个面啦，糊口嘅面真系唔得！所以其他嘢质素几高都好，都未必会回访！
餐厅免加一，计落其实唔算贵，而且平日lunch time仲送汽水，路过唔洗等咪试下啰，话唔定今次个面咁啱失手啫🤭
〰️〰️〰️〰️〰️
〰️〰️〰️〰️〰️
食物: 4/5
性价比: 4/5
环境: 4/5
服务: 4/5
Revisit: No
张贴
