山田本舖 (已結業)

《芝有古早味🧀》———————————————-#山田本铺🤗最近古早味蛋糕咁Hit，我都走咗去试吓。大家睇佢金色嘅盒应该已经认得，呢间系位于太子嘅山田本铺。咁啱呢日系平日，唔算多人排队。-拣咗好耐心大心细，终于选择咗佢嘅芝士味。完全系邪恶肥仔之选，厚厚松软嘅古早味蛋糕完全包裹住中间夹住嘅芝士。味道配搭得好唔错，芝士带点咸香，但又唔会盖过古早味本身嘅蛋味。大大嚿够食几日😆-超级建议大家食之前摆入微波炉叮30秒，就可以做到拉丝嘅效果，芝士溶溶地就更加好味啦！🤣-⭐ 参考价钱︰芝士古早味蛋糕： $80（好似加咗价之前买$75🙈）🍌抵deal指数：7/10