城意 (已結業)

住黄埔嘅朋友仔有口福啦，黄埔新开左间主打葡国菜嘅餐厅，湖水绿嘅装修清新自然，菜式新意满满，晚市嘅二人套餐仲非常抵食，$488包三个头盘、葡国烤乳猪、一款主食、两杯饮品及自助沙律吧，两个人食够晒丰盛！餐厅仲设有一个精美嘅甜品柜，有多款造型精致嘅蛋糕可以品尝，咁食完餐饭就唔使谂下场去边，可以喺度食住甜品同朋友吹多阵水🤪Amor传统葡国经典菜式二人套餐 （$488 2位）葡国蜜汁黑椒烧风鳝蜜汁烧鳝非常厚切，加左蜜汁同黑椒烧过后更加惹味，口感爽口弹牙，味道颇有惊喜🤩香蒜牛油鲜茄葡国肠炒小八爪鱼蕃茄酱汁酸酸甜甜，小八爪鱼口感弹牙，作为开胃菜一流！蟹黄温泉蛋呢个咁可爱嘅温泉蛋杯其实内有干坤，底部铺满蟹籽同蟹黄，鲜味十足，加上面头嘅鱼子酱，令味道嘅层次感更加丰富！葡国烤乳猪乳猪系即烤热辣辣新鲜出炉，虽然等候时间有啲长，但都非常值得！乳猪外皮好薄，烤得香脆，内里肉质又嫩又juicy，配埋自家制梅汁，可以提鲜解腻，不愧系呢度嘅招牌👍🏻煎元贝龙虾汁葡国炖饭呢个龙虾汁炖饭都非常高质，首先面头嘅元贝大大粒，煎得熟度恰好。而个饭完美地吸收左龙虾汁嘅精华，淡淡都食得出龙虾嘅鲜味，十分推荐！