峇里堂

营业中

休息中

呢间印尼餐厅已前喺佐敦旧舖时已经有帮衬，都系睇到youtube先知原来仲有经营之只系改咗地点。依家搬咗去新型食厦变楼上舖，焕然一新，感觉好似跟住时代变迁去升级。【 巴东牛肉黄姜饭 】份量虽然唔系话好多，但呢碟个牛肉真系腍到冇得再腍，加埋个香料酱（唔系咖喱）触动神经俾到惊喜我。第二度食啲巴东牛肉通常好深色但呢度唔系，呢碟巴东牛捧佢上天花板都唔算话好夸张。入口好味好special，黄姜饭为咗健康加＄都一定要转。发现原来店员会特登剪走啲肥筋，难怪可以控制到肉质口感咁完美。【 Gado-Gado 】同食开嘅加多加多有啲唔同，呢度重香料味多过甜味，亦带啲酸酸甜甜咁，水份唔多。虾片Party，可以当薄饼沾咖喱咁嚟沾啲酱汁＆菜嚟食。Long Black 有白crema？【 咖央多士 】叹咖啡唔少得嘅配搭。※呢度可叫店员落单或自己QR，虽然冇wifi，但胜在免番加一俾你，我第一次见，咁样先系㗎嘛。