影片
更多
2022-03-21
283 浏览
9 0 后 的味 蕾.行过舖头门口，被门口店员一句：「全港首创以「腐乳」为主题既特色餐厅」吸引左，仲要店员劲热情咁同街坊打招呼，感觉到呢间餐厅好有人情味，就一于试吓佢咩料。.一入去，员工已经好殷勤招待，又好细心介绍菜单，成个感觉好亲切，几耐冇喺香港揾到呢啲舖头，如果我喺附近住，应该会每星期落嚟打趸🙊.简而精Comments:✅全店员工充满热诚，人情味好浓郁✅创新「腐乳」菜式同饮品非常夹同好味✅突破传统「腐乳」形象✅小店装饰别具意义，睇到好多个故事.「腐乳」永远俾人印象就系炒通菜😂，从来冇谂过佢可以拎嚟煮西式嘅嘢食，仲要癫到攞嚟冲咖啡☕️，但系就系咁神奇比佢哋「化腐乳为神」，配搭出嚟系超好味！.重点推介：🪄 椒丝腐乳卡邦尼意粉⚠️必试⚠️ ：卡邦尼入边Creamy甜散发住「腐乳」既咸香，「腐乳」唔会过分浓郁，甜咸取得平衡，重点系整体味道层次level up，食过好想再返寻味！.🪄流白 （腐乳Expresso Tonic)⚠️必试⚠️全香港应该得呢一间识整，第一啖系EXPRESSO Tonic，以为冇乜特别，点知随后有淡淡既「腐乳」咸香味，但味道唔会太重，仲要系最后停留舌尖嘅味道，真系超特别，劲好饮
.
行过舖头门口，被门口店员一句：「全港首创以「腐乳」为主题既特色餐厅」吸引左，仲要店员劲热情咁同街坊打招呼，感觉到呢间餐厅好有人情味，就一于试吓佢咩料。
.
一入去，员工已经好殷勤招待，又好细心介绍菜单，成个感觉好亲切，几耐冇喺香港揾到呢啲舖头，如果我喺附近住，应该会每星期落嚟打趸🙊
.
简而精Comments:
✅全店员工充满热诚，人情味好浓郁
✅创新「腐乳」菜式同饮品非常夹同好味
✅突破传统「腐乳」形象
✅小店装饰别具意义，睇到好多个故事
.
「腐乳」永远俾人印象就系炒通菜😂，从来冇谂过佢可以拎嚟煮西式嘅嘢食，仲要癫到攞嚟冲咖啡☕️，但系就系咁神奇比佢哋「化腐乳为神」，配搭出嚟系超好味！
.
重点推介：
🪄 椒丝腐乳卡邦尼意粉⚠️必试⚠️ ：卡邦尼入边Creamy甜散发住「腐乳」既咸香，「腐乳」唔会过分浓郁，甜咸取得平衡，重点系整体味道层次level up，食过好想再返寻味！
.
🪄流白 （腐乳Expresso Tonic)⚠️必试⚠️
全香港应该得呢一间识整，第一啖系EXPRESSO Tonic，以为冇乜特别，点知随后有淡淡既「腐乳」咸香味，但味道唔会太重，仲要系最后停留舌尖嘅味道，真系超特别，劲好饮！自问有咖啡师证书，识冲Expresso Tonic，但系真系唔识整腐乳🙈！
.
🪄南乳炸鸡球配薯条
鸡球细细旧但嫰滑，咬落去入边仲锁住咗肉汁，但系个重点都系个南乳酱🤤，唔会过咸，令到好开胃，点完又想再点，点解可以整得咁好食，唯一一样可以改善系个薯条太幼，令到好多油。
.
🪄三文鱼牛油果酸种面包
酸种面包心软皮脆，自家制健康，最好味嘅地方系佢中间加咗cream cheese，将面包食材融为一体，一啖食到3种口感同味道，非常聪明嘅配搭。
.
🪄润肺茶
茶同包装一样，简洁清甜，渗出淡淡清香，明明冻饮，但入到喉咙好舒服，真系有一种滋润嘅感觉。
.
🪄腐乳酱沙律
食斋嘅朋友唔使担心，你一样可以享受到「腐乳」味道嘅沙律酱，轻轻嘅咸香味黏附住爽脆嘅沙律菜，fresh得嚟又惹味。
.
🪖我带返个头盔先，我并唔系「腐乳」爱好者，但系呢间餐厅我真系会比满分💯，价钱唔贵之余，菜式好特别，仲系会令人回味，推荐👍🏻
.
见我呢篇食评打到咁长，就知真系好好食😂，题外话，店舖装饰都几特别，墙身挂咗好多画，啲画系每一个店员嘅故事，最搞笑系佢个厕所🚽，真系打卡景点，自己去睇相啦📸！
张贴
