Fable

营业中

休息中

今日系同事生日，去左公司附近新开咗一排嘅法国餐厅庆祝，其实唔系喺IG见到介绍都唔知道呢一间系食法国菜，因为佢间舖头系后巷（以为系酒吧！），其实入到去环境几好，又干净服务都唔错，我哋每人叫咗一个set，share一齐食套餐句括前菜、汤、主菜同埋甜品（甜品唔记得影），「酥炸鸡条配蜜糖芥末酱」鸡条酥脆个酱汁好明显系厨师特别调校，好味！「吞拿鱼牛油果他他」摆盘好靓，味道清新好好食，「慢煮24小时龙虾汤」唔使加钱就有龙虾汤，唔系果啲假嘅水沟面粉汤，好好味（如果再大碗少少就好啦！）「手撕牛颊肉酱手工宽意粉」未嚟嘅时候仲谂住会系啲肉酱，点知一放上嚟枱面原来系一丝丝嘅牛肉，面条煮得啱啱好，个牛嫩滑，酱汁唔会太咸非常之易入口（呢个真心推荐！）「法式青口煲 配薯条」 青口普通有少许烂，但系汁酱埋薯条都做得好好食！「美国西冷牛扒薯条」西冷扒煮得啱啱好牛扒香浓有肉汁，唔会嚡熠熠做得好好！「Tiramisu」我觉得呢个系全个餐最好食。总括呢间餐厅好抵食，特别要提佢哋做嘅酱汁做得好出色。PS：我系自费餐厅冇俾到优惠食架！