影片
更多
2024-06-15
512 浏览
Cafe风格，环境唔错楼底高，门口完全冇餐牌，之前都见好多人，今次见几多位就勇敢一次行入去。一入去就问佢啰menu，但侍应俾QR我。。。算系多嘢食款，但见到有+1即刻冇晒瘾，谂住系cafe风格，而且喺呢个屋邨小型商场开间餐厅都加一就几意料之外。望住menu都有啲滴汗，价钱绝对唔平，好多挨近两旧水。咖啡款式好少，手冲又冇，咁可能唔系coffee cafe系餐厅cafe。点咗【柠檬蕃茄酱鸡肉千层面】$203，仲有其他topping加$但基于主菜已咁嘅价钱就免喇。Lunch set 原来只系可以用半价叫野饮（冇前菜），就咁睇啲价钱初初唔知咩叫lunch set，问员工先知原来饮品系平咗，点咗【姜母热茶】$25。睇返饮品原价竟然$48，虽然足料（姜片．龙眼．杞子），但只系用雀巢透明咖啡双层杯嘅容量，呢个原价至少要俾大杯啲啦...主菜卖相非常好，直头好过味道，蕃茄酱汁够杰呈浅色似乎加咗好多creamy嘢，加埋柠檬汁酸魅魅开胃嘅，千层面中规中矩，有夹啲菠菜，鸡肉存在感就颇低。所以呢碟嘢就卖相好过味道，酱汁份量极充裕，食完仲剩好多汁有啲浪费，真系想再用嚟捞饭食，用咁多汁，不如加大啲主菜好过。嘢食唔系
一入去就问佢啰menu，但侍应俾QR我。。。
算系多嘢食款，但见到有+1即刻冇晒瘾，谂住系cafe风格，而且喺呢个屋邨小型商场开间餐厅都加一就几意料之外。
望住menu都有啲滴汗，价钱绝对唔平，好多挨近两旧水。咖啡款式好少，手冲又冇，咁可能唔系coffee cafe系餐厅cafe。
点咗【柠檬蕃茄酱鸡肉千层面】$203，仲有其他topping加$但基于主菜已咁嘅价钱就免喇。Lunch set 原来只系可以用半价叫野饮（冇前菜），就咁睇啲价钱初初唔知咩叫lunch set，问员工先知原来饮品系平咗，点咗【姜母热茶】$25。
睇返饮品原价竟然$48，虽然足料（姜片．龙眼．杞子），但只系用雀巢透明咖啡双层杯嘅容量，呢个原价至少要俾大杯啲啦...
【 柠檬蕃茄酱鸡肉千层面 】
$203
12 浏览
0 赞好
0 留言
主菜卖相非常好，直头好过味道，蕃茄酱汁够杰呈浅色似乎加咗好多creamy嘢，加埋柠檬汁酸魅魅开胃嘅，千层面中规中矩，有夹啲菠菜，鸡肉存在感就颇低。
所以呢碟嘢就卖相好过味道，酱汁份量极充裕，食完仲剩好多汁有啲浪费，真系想再用嚟捞饭食，用咁多汁，不如加大啲主菜好过。
嘢食唔系唔好，属正正常常，但呢间餐厅CP值真系奇低！呢度可能真系食卖相打卡。
其实有啲想俾「Sad」评，但叫做冇发生恶劣态度或特别差嘅食物咁都仲算「OK」嘅，不过真系劲唔抵嚟啰，冇下次喇〜
喺呢条邨走呢种价钱路线实在令人费解，真系够晒特别。
题外话/补充资料：
▶︎ 收加一但扫QR落单（冇俾wifi)、冇水饮、自己去埋单、冇得碌卡。要补充𠮶句就系如题⬆︎《低CP值的西餐》
(以上食记乃用户个人意见 , 并不代表OpenRice之观点。)
张贴
