影片
更多
2021-05-23
1671 浏览
早前，无啦啦收到「中电」嘅现金券，原来小弟都算喺低用电量户，真喺多谢晒中电喇。趁到期前，当然用咗去唔好嘥啦，基本上好多餐厅都用得，不过，发觉好多小店都诸多藉口话用唔到，结果，就近近哋过嚟「元气」喇，今次精咗，问过用得先坐落嚟。呢间分店装修算简单，无咩太多花巧装修，而餐厅呈长形，中间有廻转带，一边喺吧位，另一边喺4人卡位，此外，最左边亦喺卡位，我哋被安排坐晌𠮶边，感觉更好，因为除卡位前后喺高椅背加有胶板挡住，就连对开嘅通道位都设有一大块。餐厅嘅防疫措施都做到足，一入门口量体温、登记，又以大胶板间开啲位，枱上仲备有消毒搓手液。 而纸巾、芥末、七味粉、酱油放晒晌枱上，自由取用。因为好耐之前都帮衬过，都知佢哋喺用手机程式点餐，自己搞，清清楚楚，又唔怕有漏单，今日，就点咗呢堆嘢。 由于我哋唔喺坐晌廻转位，所以，寿司就唔会逐碟上，先喺一轮5款卷物同寿司，以下就逐一分享。牛油果软壳蟹卷 $22 牛油果软壳蟹喺老婆颇心水配搭嘅卷物，睇样就做得有啲粗糙，好似表面嘅蟹籽，黐到啲就算。卷物内除有牛油果、软壳蟹之外，仲卷住青瓜，口感甚富层次，整体食味亦算唔错。 𫠒鱼烧风味香脆鱿鱼卷 $19讲明喺香脆鱿鱼卷，卷
呢间分店装修算简单，无咩太多花巧装修，而餐厅呈长形，中间有廻转带，一边喺吧位，另一边喺4人卡位，此外，最左边亦喺卡位，我哋被安排坐晌𠮶边，感觉更好，因为除卡位前后喺高椅背加有胶板挡住，就连对开嘅通道位都设有一大块。
餐厅嘅防疫措施都做到足，一入门口量体温、登记，又以大胶板间开啲位，枱上仲备有消毒搓手液。 而纸巾、芥末、七味粉、酱油放晒晌枱上，自由取用。
因为好耐之前都帮衬过，都知佢哋喺用手机程式点餐，自己搞，清清楚楚，又唔怕有漏单，今日，就点咗呢堆嘢。
由于我哋唔喺坐晌廻转位，所以，寿司就唔会逐碟上，先喺一轮5款卷物同寿司，以下就逐一分享。
牛油果软壳蟹卷 $22 牛油果软壳蟹喺老婆颇心水配搭嘅卷物，睇样就做得有啲粗糙，好似表面嘅蟹籽，黐到啲就算。卷物内除有牛油果、软壳蟹之外，仲卷住青瓜，口感甚富层次，整体食味亦算唔错。
𫠒鱼烧风味香脆鱿鱼卷 $19讲明喺香脆鱿鱼卷，卷物内就真喺只有炸鱿鱼须，只喺表面有少少白芝麻同木鱼碎。啲鱿鱼几甘金柔韧，但有少少油，如果加入青瓜或腌萝卜平衡吓，效果唔知会唔会仲好啲呢！
葱香珍宝熟帆立贝寿司 $17 （左）、炙烧黑松露帆立贝寿司 $17（右）熟嘅就老婆食，生嘅就我食。话就话熟帆立贝，其实，都只哋半生熟，不过，配咗啲葱粒、紫洋葱丝，老婆过感觉几唔错，帆立贝都好鲜甜。而我嘅呢，话炙烧，真喺唔觉有点烧过，同生嘅无分别，仲喺好色泽晶莹，黑松露嘅味道亦唔明显，还好喺件帆立贝有质素。
吞拿鱼寿司 $19之前试过佢哋一款「柚子酱油吞拿鱼」，印象唔错，但今次就唔见有，不过，都点咗一客吞拿鱼寿司，鱼生嘅色泽红润，睇起嚟都几新鲜，入口颇有鱼味，而饭粒黏糯，夹起嚟又唔会好易散，再者，佢哋标明用日本产嘅米，感觉喺唔同啲。
柚子油甘鱼蓉军舰 $17 卷物、寿司都食咗，叫一客军舰试试先，老婆对柚子情有独钟，故此，拣咗呢一款柚子油甘鱼蓉军舰，油甘鱼刴得细碎，面头洒咗少少七味粉，鱼蓉口感绵密，入口确喺嗒到柚子嘅清香，而七味粉则令油甘鱼嘅鱼鲜味突出咗。
再追加多两客寿司，今日唔知点解，点得特别多帆立贝类嘅寿司，另一款则喺芝士白虾，两款都喺炙烧过，喺专登点俾老婆食，唔太生嘅就啱佢多啲。
炙烧芝士白虾寿司 $19 对比起熟带子寿司，芝士白虾寿司似乎好食好多，一来虾肉味道鲜甜，而口感爽弹，二来唧咗啲芝士酱落去，令食味有种升华感，咸香嘅芝士更突出到白虾嘅甜味。
炙烧牛油熟带子寿司 $17对比起之前两款嘅帆立贝寿司，呢一客嘅帆立贝就感觉真喺熟啲，一客有两件，只涂上牛油再炙烧，所以，算喺食其原味为主，入口口感柔嫩而有微微牛油香，算喺唔错。
竹轮卷汤乌冬 $22 担心唔够饱，亦想老婆食番啲热嘢，汤乌冬佢就最钟意架喇，简简单单一客「竹轮卷汤乌冬」已好够。虽然只卖$22，都好大碗吓，够晒我哋两个人共享。乌冬够晒滑身，口感烟韧，竹轮卷食得出唔喺𠮶啲劲沟粉货色，个汤头亦清香，又真喺唔错㖞。
食饱饱，又行吓荔枝角公园，疫情都喺反反覆覆，生活就要找吓点子，食一餐想食嘅嘢，去一啲想行吓嘅地方，以作生活嘅平衡！今日呢餐，都OK啦，有中电「赞助」吖嘛，哈哈！
张贴
