影片
更多
2019-11-18
2398 浏览
早前睇过啲饮食杂志介绍呢一家日本过江龙「天吉屋」，主打天妇罗丼，更连续五年荣获日本全国丼联盟天丼金赏奖，实力应该不用怀疑。咁嘅来头，初阶段梗喺会有好多人去潮圣、打卡，小弟就最怕要排队等，我就梗喺等一等「潮退」先去啦。咪睇佢个铺面细细，里面可谓别有洞天，地方唔细，一室木系，配以和风装潢，雅致而有份暖和感。占大部喺卡位形式，块间板特别高，我就颇钟意咁嘅设计，因为私隐度相对多啲。另一边「厨房位」（可隔着玻璃睇到厨房里面运），化身为和风牌档模样，并挂上「天吉屋」大招牌，非常醒目。呢边属一人位，所以，就算一时兴起，一个人嚟食碗天妇罗丼都唔怕尴尬。炸物一向讨人欢心，够香口嘛！不过，小弟对天妇罗就唔算好有研究。翻一转餐牌，如好多日本餐厅，卖嘅嘢唔多，够专。菜品只有5款，但每款嘅天妇罗都有唔同配搭，定价$108-$158，而贯彻日本人做菜嘅认真，用上秘制天妇罗粉、秘制天丼酱汁、北海道七星米、自家调制柚子胡椒沙律汁。饮品方面，选择唔多，只有几款罐装饮品，数款日本酒品。不过，唔多选择都无问题，因为有啲健康嘢提供。牛蒡茶一坐低，店员就奉上一大壶自家冲制嘅牛蒡茶，近年都有唔少人兴食牛蒡，据网上资料，牛蒡茶有去
咪睇佢个铺面细细，里面可谓别有洞天，地方唔细，一室木系，配以和风装潢，雅致而有份暖和感。占大部喺卡位形式，块间板特别高，我就颇钟意咁嘅设计，因为私隐度相对多啲。
另一边「厨房位」（可隔着玻璃睇到厨房里面运），化身为和风牌档模样，并挂上「天吉屋」大招牌，非常醒目。呢边属一人位，所以，就算一时兴起，一个人嚟食碗天妇罗丼都唔怕尴尬。
炸物一向讨人欢心，够香口嘛！不过，小弟对天妇罗就唔算好有研究。翻一转餐牌，如好多日本餐厅，卖嘅嘢唔多，够专。菜品只有5款，但每款嘅天妇罗都有唔同配搭，定价$108-$158，而贯彻日本人做菜嘅认真，用上秘制天妇罗粉、秘制天丼酱汁、北海道七星米、自家调制柚子胡椒沙律汁。
饮品方面，选择唔多，只有几款罐装饮品，数款日本酒品。不过，唔多选择都无问题，因为有啲健康嘢提供。
牛蒡茶一坐低，店员就奉上一大壶自家冲制嘅牛蒡茶，近年都有唔少人兴食牛蒡，据网上资料，牛蒡茶有去油腻降血脂嘅效用，够养生，配天妇罗就啱晒啦。饮落有种独特嘅香气，味道回甘顺喉，感觉几舒服。
虽然，菜品无说明喺定食，但其实已包埋味噌汁，免费提供嘅牛蒡渍、萝卜渍、椰菜沙律。
牛蒡渍、萝卜渍等候我哋嘅天妇罗丼期间，细味牛蒡渍及萝卜渍嚟打发时间就最好不过。前者口感软软哋，又爽爽哋，食落仲有种参味；后者就酸香清爽，作为食天妇罗嘅间场清一清味蕾就最好不过。
椰菜沙律可能你会觉得简单，椰菜丝啫，但条条切得幼细，冰凉爽口而多汁，最精彩喺淋上嘅自家调制柚子胡椒沙律汁，柚子味极之突出，酸酸味，带微微辣，有层次，有越食越想食之感。店员见你食到差唔多无，好主动问你使唔使再添加。
椰菜沙律配自家调制柚子胡椒沙律汁
13 浏览
0 赞好
0 留言
家家所做嘅味噌汁都有所分别，「天吉屋」嘅绝对喺料多，虽然影相唔觉，但其实汤中有好多清甜嘅萝卜、嫩滑嘅豆腐，而汤嘅本身，面豉味甚浓香，饮得出用料不赖。
天御膳 $148友人就喜欢试多啲嘢，所以，拣嚟第二贵嘅「天幕御膳」，讲真，单喺睇相已经好有睇头，食材丰富，有黑虎虾、海红鲷配紫苏叶、软壳蟹、什锦炸物（洋葱及鱿鱼）、茄子、南瓜、炸紫菜及四季豆；而且，食法更有啲花巧，可以有3种食法，故此，更专登印张食法指引俾大家参考。
成品送到嚟，喺咪有啲震撼呢？友人一边食，就一边赞，小弟就唔太详细讲佢觉得点喇，等阵食到我份先慢慢分享。不过，佢就话，啲天妇罗炸得好出色，香而不腻，每款食材都有个性，好好食；去到尾，好似建议咗倒入鲣鱼茶汤做茶渍饭，汤中嘅咸鲜及烟熏香，一涌而出，甚有惊喜。
天幕御膳
$148
12 浏览
0 赞好
0 留言
天吉丼 $118小弟就拣个无咁贵，但喺获金奖嘅「天吉丼」，咪睇小佢，一样喺好丰富，劲多配料，包括黑虎虾、鱿鱼、海红鲷、茄子、南瓜、四季豆、炸紫菜同温泉蛋，啲天妇罗堆到满一满，睇落仲好似𩠌多过饭咁。
天吉丼
$118
14 浏览
0 赞好
0 留言
如果有留意餐牌面，就发现佢哋嘅天妇罗海老喺孖条「双虾」炸法，一口过咬两件虾，自不然有份双倍满足感，虾肉鲜甜且爽弹，有浓郁虾鲜味，而且，炸功了得，唔会感觉一口油。
鱿鱼有嚿炸物四四方方咁，初时以为喺豆腐，但咬落软腍，又带点烟韧，原来喺鱿鱼嚟，有口感，几好食，当然脆浆做得薄，应寄一功。
海红鲷可以讲喺「炸鱼柳」高度版，卖点喺鱼肉嘅本质，件海红鲷肉质嫩滑而味鲜，加上薄薄嘅脆浆，无得输。
茄子多数食茄子嘅天妇罗都喺做成一片片，好装饰，又易入口，但呢度为到做得有睇头，茄子都喺一大件咁，大啖大啖食得豪迈。
南瓜平常食天妇罗野菜中，小弟就特别钟意南瓜，尤其啲日本南瓜，特别粉甜，今次件南瓜大大件，更实在，更食出南瓜原味。至于啲炸四季豆、炸紫菜都好好食。
温泉蛋相信食开日本嘢嘅朋友都食唔少，但炸嘅温泉蛋又试过未？一咬落去就当然爆浆啦，而咬𠮶吓，就多咗层脆口晌面面，感觉有点新奇。
七星米一碗靓丼，好嘅米当然亦好重要，用上北海道七星米梗喺想做出一碗好丼啦。饭粒分明不在话下，而且，有米香，又黏糯，淋上秘制天丼酱汁，唔喺讲笑，斋喺「豉油捞饭」我都可以食到成碗。如果点「天吉丼」，追加白饭要+$15，仲要落单时讲明，相反，点「天幕御膳」写明白饭可以自由添加，如果喺「饭桶」一名就应该识点嗌啦，哈哈！
百零蚊食碗饭，有人会觉得贵，但食到嘅喺一碗得奖天丼，配料又多，日本靓米入馔，唔使飞过日本食，计计吓有赚啦。再者，食落确喺用料不赖，味道扎实无hea做，啲招呼又好，有礼貌，但留意一点，用餐有时限：60分钟，每人最低消费$100，怕啲cheap友点客「天幕御膳」两人「些牙」，再不停添饭啰！
张贴
