影片
更多
2022-07-21
2094 浏览
好耐无出嚟旺角，嚟亲都喺买波鞋，上一期嘅消费券趁仲有剩少少，当然用埋唔好嘥。之后就顺便揾食，因为正正趁老婆有事，屋企无饭开，就一支公出嚟买嘢兼食埋晚饭。经过呢间过江龙「东京チカラめし」颇有人气吓，就入去试试牛丼。 餐厅内里嘅格局好日本丼饭专门店，即喺一室木系装修，环境整洁又光猛。里面坐满客，虽然小弟一支公，想快啲食完就走，店员问介唔介意搭枱，会加块胶板隔住，咁我都OK嘅。 食物选择有牛丼、猪丼、咖哩同定食，仲有多款配菜可额外添加，大部份定价都好相宜，而饮品就有啲汽水（$12）同樽装茶（$16）。 一坐低就会俾张二维码等你自行落单，依家呢样嘢都已经变得好普通，好多客人都识点搞。 餐具就好似时下茶记咁，放晒晌枱侧嘅拉柜内，自己招呼自己，快捷方便，好过麻烦啲店员。 此外，枱边就放咗几样调味料，七味粉、酱油、辣酱和风柚子汁，后者就用嚟食炸鸡同饺子时用，其他嘅，想点就点啰。 墙上仲贴有一张温馨提示，教你点样食先最有日本风味，个人觉得，随心啦！ 烧牛肉丼（配饺子3件） $58真喺好彩无要加大份量，因为依家呢个份量，已经好大碗，食到我饱一饱。其实睇匀啲配搭，再睇吓啲配菜定价，以呢个组合喺最着数，再
餐厅内里嘅格局好日本丼饭专门店，即喺一室木系装修，环境整洁又光猛。里面坐满客，虽然小弟一支公，想快啲食完就走，店员问介唔介意搭枱，会加块胶板隔住，咁我都OK嘅。
食物选择有牛丼、猪丼、咖哩同定食，仲有多款配菜可额外添加，大部份定价都好相宜，而饮品就有啲汽水（$12）同樽装茶（$16）。
一坐低就会俾张二维码等你自行落单，依家呢样嘢都已经变得好普通，好多客人都识点搞。
餐具就好似时下茶记咁，放晒晌枱侧嘅拉柜内，自己招呼自己，快捷方便，好过麻烦啲店员。
此外，枱边就放咗几样调味料，七味粉、酱油、辣酱和风柚子汁，后者就用嚟食炸鸡同饺子时用，其他嘅，想点就点啰。
墙上仲贴有一张温馨提示，教你点样食先最有日本风味，个人觉得，随心啦！
烧牛肉丼（配饺子3件） $58真喺好彩无要加大份量，因为依家呢个份量，已经好大碗，食到我饱一饱。其实睇匀啲配搭，再睇吓啲配菜定价，以呢个组合喺最着数，再加支忌廉（$12）爽吓，就喺今晚晚餐嘅组合。
唔止饭量多，啲烧牛肉亦唔少，真喺好似食极都有，先试一件烧牛肉，色泽深沉嘅牛肉，炒得好香口，软滑而味道浓郁。我亦有跟张提示，将牛肉跟饭捞匀嚟食，因为，底下有好多汁架。
晌门口就挂咗个「日本产米使用店」，当然，质素会优胜啲，饭粒软熟分明，有米香，加上沾满晒秘制酱汁，份外惹味。
再试试啲饺子，单点3只嘅话要$18，所以，夹呢个组合喺最抵，而饺子嘅饺皮好薄，馅料又好足，椰菜猪肉馅刴得幼细，食落亦富肉汁，沾上和风柚子汁带点酸香就更加正，但唯一挑剔喺嚟到时只喺微微暖，要扣分。
依一类日式丼饭，有人话好食，有人话唔好食，总之，钟意食嘅就会喺当局者迷啦！
张贴
