影片
更多
2021-06-12
1256 浏览
终于过嚟试呢间颇出名嘅拉面，店铺主打鸡，有时有期间限定嘅汤底等，但今次第一次嚟都决定试鸡汤，食后感系如果钟意鸡白汤及鸡汤浓嘅必定会喜欢～ 🍜先讲鸡白汤拉面($138)，汤上有泡沫，店铺利用泡沫咖啡打泡法打出好细滑嘅泡沫，令到口感creamy，而鸡汤鲜甜，油份唔多，叉烧同埋鸡肉系用慢煮处理，所以亦都好滑身，面身爽口有劲，面上边有炸牛蒡，葱，混合汤一齐食，味道不错。🍜如果喜欢更浓味，可以选择鸡沾面($148)，亦有附炸牛蒡同埋姜蓉比你连埋汤度点嚟食，亦都几香口，沾面汁当然比鸡汤底更为浓郁，佢嘅浓郁程度系食到后期会觉得有啲腻(个人感觉)，亦偏咸，食到一半已经觉得好漏，面嘅口感好烟韧。🍗小食只有一款座银炸鸡($48)，餐牌上指为唐扬炸鸡，即炸新鲜但外皮稍微炸得过火咗，太脆身，令到全份炸鸡并唔系平均地个个位置都嫩口，有啲位较「柴」。🍚另外仲叫咗一个牛蒡鸡肉饭，因为卖相同味道都麻麻，所以无留影。呢个同行嘅朋友都唔系太喜欢，但如果喜欢牛蒡味道嘅朋友可以试试，因为佢成个饭都布满浓郁嘅牛蒡味道。服务好好👍🏻会时不时睇睇你有无需要，一坐低会问你需要暖茶定冻茶，每个面都有附送返围裙同埋湿纸巾抹手同防止弹到件
🍜先讲鸡白汤拉面($138)，汤上有泡沫，店铺利用泡沫咖啡打泡法打出好细滑嘅泡沫，令到口感creamy，而鸡汤鲜甜，油份唔多，叉烧同埋鸡肉系用慢煮处理，所以亦都好滑身，面身爽口有劲，面上边有炸牛蒡，葱，混合汤一齐食，味道不错。
鸡白汤拉面
62 浏览
1 赞好
0 留言
🍜如果喜欢更浓味，可以选择鸡沾面($148)，亦有附炸牛蒡同埋姜蓉比你连埋汤度点嚟食，亦都几香口，沾面汁当然比鸡汤底更为浓郁，佢嘅浓郁程度系食到后期会觉得有啲腻(个人感觉)，亦偏咸，食到一半已经觉得好漏，面嘅口感好烟韧。
鸡沾面
44 浏览
0 赞好
0 留言
🍗小食只有一款座银炸鸡($48)，餐牌上指为唐扬炸鸡，即炸新鲜但外皮稍微炸得过火咗，太脆身，令到全份炸鸡并唔系平均地个个位置都嫩口，有啲位较「柴」。
座银炸鸡
34 浏览
0 赞好
0 留言
🍚另外仲叫咗一个牛蒡鸡肉饭，因为卖相同味道都麻麻，所以无留影。
呢个同行嘅朋友都唔系太喜欢，但如果喜欢牛蒡味道嘅朋友可以试试，因为佢成个饭都布满浓郁嘅牛蒡味道。
服务好好👍🏻会时不时睇睇你有无需要，一坐低会问你需要暖茶定冻茶，每个面都有附送返围裙同埋湿纸巾抹手同防止弹到件衫，枱与枱之间空间亦足够。
鸡沾面
28 浏览
0 赞好
0 留言
张贴
