影片
更多
2019-08-22
953 浏览
「冚棒唥」喺广东话里面，有「全部野」嘅意思。喺呢个大家都慨叹广东粤语文化越来越不被重视的环下，唔知点解，特别有种亲切同感动嘅感觉。小店位于佐敦西贡街，新开咗无耐，早前行街经过就Bookmark咗，择个好日后，就经网上订座顺便赚取AM 积分。今晚同男友按预约好嘅时间黎到，因为时间尚早，倒也不算太拥挤。但店铺座位不多，5张圆桌，连埋长Bar台，同外面一张圆桌，大概容纳到15-20人左右，所以还是建议预先经网上或电话订位较好。店铺里面挂有几幅油画，其中一幅画著有人将一杯咖啡倒向另一个杯里面。杯的外围有人跳伞，有人在钓鱼；而杯里有人玩滑板，有人冲浪，做著不同的活动。咖啡如人生，而活在咖啡里的人生一定是快乐的! 虽然Cafe位处佐敦，但稍微偏离佐敦大街，而且里面的环境舒适，相信喺呢到都可以休闲紧叹咖啡嘅！另一幅油画是rice burger。老一辈成日讲「要凑米饭」，无米落肚就唔觉得有食过饭，所以呢间Cafe 除左一般的all day breakfast, 仲有用米做嘅Burger，咁特别当然要叫个其中一个主打嘅黯然消魂饭堡$108。厚身嘅一片荷包蛋加叉烧，用甜豉油做调味同埋可以增加湿润度，「包」
「冚棒唥」喺广东话里面，有「全部野」嘅意思。喺呢个大家都慨叹广东粤语文化越来越不被重视的环下，唔知点解，特别有种亲切同感动嘅感觉。小店位于佐敦西贡街，新开咗无耐，早前行街经过就Bookmark咗，择个好日后，就经网上订座顺便赚取AM 积分。今晚同男友按预约好嘅时间黎到，因为时间尚早，倒也不算太拥挤。但店铺座位不多，5张圆桌，连埋长Bar台，同外面一张圆桌，大概容纳到15-20人左右，所以还是建议预先经网上或电话订位较好。
店铺里面挂有几幅油画，其中一幅画著有人将一杯咖啡倒向另一个杯里面。杯的外围有人跳伞，有人在钓鱼；而杯里有人玩滑板，有人冲浪，做著不同的活动。咖啡如人生，而活在咖啡里的人生一定是快乐的! 虽然Cafe位处佐敦，但稍微偏离佐敦大街，而且里面的环境舒适，相信喺呢到都可以休闲紧叹咖啡嘅！
另一幅油画是rice burger。老一辈成日讲「要凑米饭」，无米落肚就唔觉得有食过饭，所以呢间Cafe 除左一般的all day breakfast, 仲有用米做嘅Burger，咁特别当然要叫个其中一个主打嘅黯然消魂饭堡$108。
厚身嘅一片荷包蛋加叉烧，用甜豉油做调味同埋可以增加湿润度，「包」面同底嘅饭压平再煎，食落口感脆身。
另一个我好推荐嘅系香草蜜糖鸡翼$78，鸡翼肉质超级鲜嫩多汁，配搭蜜糖真系无敌！
食鸡翼，再同时饮一啖蓝橘荔枝柠檬沙冰$58，荔枝香味满溢，仲有微微柠檬清新酸味，可以中和鸡翼的油腻。喺今日酷热天气下，呢杯沙冰唔单止系令呢餐完美嘅配伍，更可以讲得上系夏日消暑解喝嘅救星啊！
总括黎讲，今日喺「冚棒唥」食嘅野都真系唔错，环境舒适，而且店内有唔少打卡位置，而且店员服务超好又好好笑容，好值得黎试下！
张贴
