影片
更多
2024-05-22
583 浏览
因为要过嚟「钻石山殡仪馆」出席丧礼，而丧礼 就正正晌中午举行，喺简单嘅告别仪式，完咗之后同个朋友顺向钻石山方向落去，大家对食无乜太多要求，纯粹就脚，就嚟咗呢间「敍苑粉面茶餐厅」食个晏。其实「敍苑」喺慈云山都有一间分店，好多年前都帮衬过一次，印象都喺一般般。入到去，环境非常之大，啲位都好阔落，相信都开咗好多年，装修已变得有啲旧。我哋就啱啱好揾到个角落卡位，净净局食吓饭，倾吓近况。餐牌就随意影，而午市有供应嘅选择都不外乎碟头呀、粉面呀、午餐呀、快餐之类。花生猪手饭 $56老友原本想食梅菜蒸鲩鱼饭，但竟然乜鱼都卖晒，所以改咗食呢个猪手饭，猪手都成5件，不过，就唔喺好大只，味道佢就话OK，都算卤得入味，反而饭量就多得惊人，但老友好犀利又食得晒㖞。牛筋丸河 $47小弟就轻怡少少，拣咗个粉面，份量方面跟出面啲粉面店差唔多，啲河粉都几滑溜，汤头都唔错，不过，啲牛筋丸就争少少，咬落去未叫得做好爽口，有少少沟粉嘅感觉。热奶茶嚟茶记就照惯常叹返杯热奶茶，因为普遍嚟讲都唔会差得去边，咁老实讲，佢杯热奶茶都算唔错，茶底都叫几芳香，喺柔滑度争啲啲。因为餐厅本身客人唔多，所以，食完都唔赶你走，可以慢慢坐，阿姐仲收
其实「敍苑」喺慈云山都有一间分店，好多年前都帮衬过一次，印象都喺一般般。入到去，环境非常之大，啲位都好阔落，相信都开咗好多年，装修已变得有啲旧。我哋就啱啱好揾到个角落卡位，净净局食吓饭，倾吓近况。
餐牌就随意影，而午市有供应嘅选择都不外乎碟头呀、粉面呀、午餐呀、快餐之类。
花生猪手饭 $56老友原本想食梅菜蒸鲩鱼饭，但竟然乜鱼都卖晒，所以改咗食呢个猪手饭，猪手都成5件，不过，就唔喺好大只，味道佢就话OK，都算卤得入味，反而饭量就多得惊人，但老友好犀利又食得晒㖞。
牛筋丸河 $47小弟就轻怡少少，拣咗个粉面，份量方面跟出面啲粉面店差唔多，啲河粉都几滑溜，汤头都唔错，不过，啲牛筋丸就争少少，咬落去未叫得做好爽口，有少少沟粉嘅感觉。
热奶茶嚟茶记就照惯常叹返杯热奶茶，因为普遍嚟讲都唔会差得去边，咁老实讲，佢杯热奶茶都算唔错，茶底都叫几芳香，喺柔滑度争啲啲。
因为餐厅本身客人唔多，所以，食完都唔赶你走，可以慢慢坐，阿姐仲收拾好晒枱上碗碟，抹一抹干净张枱添，咁我哋又坐得舒服多少少。
张贴
