影片
更多
2023-12-31
1543 浏览
约咗太太嘅朋友嚟到「吐司工房」食晚饭，虽然我哋合共四个人两对夫妇，不过，见对方都无影食物相嘅举动，所以，都唔好意思喺咁影，只影番自己嘅喇沙，同后补少少环境相。都好多年无帮衬过「土司工坊」喇，今次就贪呢度地方大，位置又鼠埋一角，食完都无人赶，可以慢慢倾。餐厅环境算连系埋商场，不过亦间咗个范围喺属于餐厅，采开放形式，故此，感觉都几阔落。呢度采自助形式，点餐就要晌柜枱落单，两页纸嘅餐牌，就印齐晒店家所有食物，全以套餐形式，一面喺主食类，即粉面饭，另一面喺轻食类，即多士、面包。晌柜面落单后，会俾个传呼器你，等佢响就有得拎嘢食。另外，餐具都要自己拎，自己招呼自己！星洲海鲜叻沙+南洋咖啡 $74个叻沙同餐牌张相就有啲距离，实物就无咁大份，，𩠌料亦似乎喺少咗啲，不过，叻沙汤嘅色泽就几对办，一片鲜橙色，但其实就唔喺好辣，却喺非常之香浓。有鲜虾、鱼片、豆卜、半只烚蛋及少量芽菜，质素属于平稳咁啦；此外，面底就唔喺糁糁嚟，只喺一般米线，挂起啲汁，都好味道嘅。南洋咖啡佢哋主打南洋咖啡，又分咩南洋咖啡O、南洋咖啡C，唔识唔紧要，餐盘垫就正正一文看清，其实，就只喺加花奶、加炼奶定唔加奶咁解。小弟就拣杯只加炼奶嘅南
都好多年无帮衬过「土司工坊」喇，今次就贪呢度地方大，位置又鼠埋一角，食完都无人赶，可以慢慢倾。餐厅环境算连系埋商场，不过亦间咗个范围喺属于餐厅，采开放形式，故此，感觉都几阔落。
呢度采自助形式，点餐就要晌柜枱落单，两页纸嘅餐牌，就印齐晒店家所有食物，全以套餐形式，一面喺主食类，即粉面饭，另一面喺轻食类，即多士、面包。
晌柜面落单后，会俾个传呼器你，等佢响就有得拎嘢食。
另外，餐具都要自己拎，自己招呼自己！
星洲海鲜叻沙+南洋咖啡 $74个叻沙同餐牌张相就有啲距离，实物就无咁大份，，𩠌料亦似乎喺少咗啲，不过，叻沙汤嘅色泽就几对办，一片鲜橙色，但其实就唔喺好辣，却喺非常之香浓。有鲜虾、鱼片、豆卜、半只烚蛋及少量芽菜，质素属于平稳咁啦；此外，面底就唔喺糁糁嚟，只喺一般米线，挂起啲汁，都好味道嘅。
南洋咖啡佢哋主打南洋咖啡，又分咩南洋咖啡O、南洋咖啡C，唔识唔紧要，餐盘垫就正正一文看清，其实，就只喺加花奶、加炼奶定唔加奶咁解。小弟就拣杯只加炼奶嘅南洋咖啡，佢哋好似拉茶咁「拉」咖啡，虽然非用花奶，一样算喺几醇香顺滑，我本身一向都钟意饮星马啲白咖啡。
虽然简单食餐饭，不过，我哋就坐咗好耐，天南地北无所不谈。总结，「土司工坊」啲嘢食不过不失咁啦，真喺贪佢食完无人理，坐几耐都得。
张贴
