影片
更多
2011-09-16
14 浏览
相约学弟食晚饭，佢好放心地由得师兄选择地点。喺Openrice研究左阵，见Ichigo o既食评中，一个喊面都冇，所以就决定黎试下有几坚。Ichigo o既装修以木为主，没有任何花巧o既布置，非常简朴。𠮶日星期五，晚上八时左右到达，中环近兰桂芳o既食肆居然只得两张枱既客人，真系吓左XO一跳！不过食完餐饭，终于明白点解间舖头咁「吉」啦！「吉」之因由一：服务态度欠佳1）一出「车立」门见倒位哥哥仔睇紧本booking薄，小弟好自然地同佢讲话留左张枱；见佢冇反应，醒目o既我立刻转channel同佢讲英文啦，但佢仍然冇表示，所以再转日文（因为打电话黎订位时系用日语沟英语对白o既），点知反而吓到佢入去叫左个「黑面神」广东话姐姐出黎招呼我，心想咁都得？！似乎不甚友善bor！2）师弟将近生日，所以谂住开枝香槟同佢庆祝啦。虽然Openrice上写话开瓶费为$100，但为免喺餐厅先黎争执，所以喺电话订位时都想确认一下，日藉接线生同几位同事商讨过后，回答话唔收开瓶费。原本真系几高兴架，点知入坐后多口再问「黑面神」姐姐时，佢话公司一向收开$300开瓶费，绝无例外；重话Openrice上o既资料冇同佢地核实过，
Ichigo o既装修以木为主，没有任何花巧o既布置，非常简朴。𠮶日星期五，晚上八时左右到达，中环近兰桂芳o既食肆居然只得两张枱既客人，真系吓左XO一跳！不过食完餐饭，终于明白点解间舖头咁「吉」啦！
「吉」之因由一：服务态度欠佳
1）一出「车立」门见倒位哥哥仔睇紧本booking薄，小弟好自然地同佢讲话留左张枱；见佢冇反应，醒目o既我立刻转channel同佢讲英文啦，但佢仍然冇表示，所以再转日文（因为打电话黎订位时系用日语沟英语对白o既），点知反而吓到佢入去叫左个「黑面神」广东话姐姐出黎招呼我，心想咁都得？！似乎不甚友善bor！
2）师弟将近生日，所以谂住开枝香槟同佢庆祝啦。虽然Openrice上写话开瓶费为$100，但为免喺餐厅先黎争执，所以喺电话订位时都想确认一下，日藉接线生同几位同事商讨过后，回答话唔收开瓶费。原本真系几高兴架，点知入坐后多口再问「黑面神」姐姐时，佢话公司一向收开$300开瓶费，绝无例外；重话Openrice上o既资料冇同佢地核实过，佢地亦冇权更改，如果我要开自己带黎𠮶樽酒就要比$300开瓶费！当时真系好谷气架，不过见师弟应该差不多到，又系同佢庆祝生日，所以冇再同佢理论，喺𠮶度叫左樽推介中o既Sake（$138），揿住唔比自己发脾气，收返埋枝酒，食完饭先送比师弟。用左三个方法去查核开瓶费，点知得来三个唔同答案，好似买海鲜咁，真系好唔爽！
「吉」之因由二：唔好食萝卜前菜：一碟酸酸o既开胃前菜，酸味指数高到ＸＯ对眼顿时变成一条线。
大蒜芝士千层猪肉卷（散叫$128；加$45变定食）：芝士溶哂喺个鐡网上，又夹唔返黎食，认真「o徏」料；建议Ichigo唔好用个鐡架上，又或者可以考虑比客人自己边食边切！猪肉卷个皮冇错系炸得几脆，而且一滴油都见唔倒，不过唔够热；肉质偏干，所以嚡，整体变得唔够松。另一失望之处系猪肉卷内完全食唔出大蒜味，唔知咁算唔算货不对办呢？
辛明太子千层炸猪排（散叫$143；加$45变定食）：客气o既学弟话佢𠮶份味道正常，不过喺出面曾经食过更好o既。跟餐黎o既汤，味道好稀，煲汤肉亦好嚡，失败！最大o既问题呢，系就算沙律任食都好，一份定食根本食唔饱一个中形身材o既男子。
Green Tea Latte（$33）：小弟曾在东京饮过一杯非常精彩o既Green Tea Latte，香滑浓郁，所以每次见到Green Tea Latte都会忍唔住叫返杯黎饮，希望寻回当日𠮶种味道。可惜今次都系失望而回；依杯Latte虽然算滑，但味道唔够浓，而且唔够热，完全唔系𠮶回事。当心目中有个标准时，难免会比下去，大家千奇唔好介意以上小弟主观o既评论。
「吉」之因由三：贵得冇道理埋单要成几百蚊一个人，对我地依Ｄ最低工资o既打工仔黎讲真系好贵。楼上舖，冇靓景，坐得唔舒服，食物质素普通，要用成两日人工食餐唔饱o既饭，可以话系极不化算。
张贴
