影片
更多
2021-10-16
3285 浏览
趁假日，同老婆、姨仔三人行，小弟请睇戏，姨仔请食晏昼饭，原因宦喺老婆生日，揾啲节目贺一贺佢。由于出咗荃湾睇戏，所以，食嘢都拣番荃湾，而餐厅由老婆发办，几年前食过「鸟山名」，佢好钟意呢度嘅银鳕鱼，印象深刻，故此，就一于再访。佢有心水就最好，唔使我谂得咁烦，「鸟山名」，我都觉得喺明智之选！假期关系，都几多人帮衬，因为佢哋个场大，眼见啲人一般食完就走，尤其午市，唔会磨烂席，所以，翻枱都快，唔喺等好耐就有位。同上次一样，又喺被安排坐晌「外边」挨住商场用餐区嘅卡位，而啲卡位就宁舍阔落。餐厅内喺唔同位置，均放置唔少富和风嘅摆设、器皿、酒樽……等等，都增加整体日本风情嘅感觉。枱上调味料嘅器皿，以及茶杯，都好别致，一派和风风格。晌假日，特设有假日定食，款式非常之多，但当中嘅款式其实晌主餐牌都有，但定价更相宜，而且，奉放刺身或餐饮。然而，定食中喺无银雪鱼，所以，老婆就喺番主餐牌中埋手。吉列黑豚猪扒手打乌冬 $92呢个定食都好丰富架，伴有沙律、前菜、茶碗蒸及甜品，刺身或餐饮嘅选项中，要咗刺身，反正有玄米茶。吉列黑豚猪扒卖相就好对办，炸得非常金黄，色泽均匀，一口咬落去外层甘香松脆却唔油赚，肉质亦软腍富肉汁，
假期关系，都几多人帮衬，因为佢哋个场大，眼见啲人一般食完就走，尤其午市，唔会磨烂席，所以，翻枱都快，唔喺等好耐就有位。同上次一样，又喺被安排坐晌「外边」挨住商场用餐区嘅卡位，而啲卡位就宁舍阔落。
餐厅内喺唔同位置，均放置唔少富和风嘅摆设、器皿、酒樽……等等，都增加整体日本风情嘅感觉。
枱上调味料嘅器皿，以及茶杯，都好别致，一派和风风格。
晌假日，特设有假日定食，款式非常之多，但当中嘅款式其实晌主餐牌都有，但定价更相宜，而且，奉放刺身或餐饮。然而，定食中喺无银雪鱼，所以，老婆就喺番主餐牌中埋手。
吉列黑豚猪扒手打乌冬 $92呢个定食都好丰富架，伴有沙律、前菜、茶碗蒸及甜品，刺身或餐饮嘅选项中，要咗刺身，反正有玄米茶。吉列黑豚猪扒卖相就好对办，炸得非常金黄，色泽均匀，一口咬落去外层甘香松脆却唔油赚，肉质亦软腍富肉汁，做得具水准。唧啲柠汁，再沾一沾沙律酱，感觉就更清爽。汤乌冬嘅份量好足，而口感滑溜得嚟有韧劲，汤头亦好清香，伴有一大片油豆腐，实在喺非常丰富嘅定食嚟！
吉列黑豚猪扒手打乌冬
$92
29 浏览
0 赞好
0 留言
对上𠮶次就喺试咗海鲜七色丼，今次就无咁贪心，要咗呢个以三文鱼腩、海赤虾、芥辣章鱼组合嘅海鲜丼，但跟个乌冬定食有少少唔同，多个味噌汤，刺身或餐饮嘅选项中就要咗杯百香果红茶，因为成碗都已经喺剌身嘛。3款刺身堆到满满，又有光泽，每一款都好好食，三文鱼腩口感十分油润，海赤虾既大只，又鲜甜，非常爽弹，而芥辣章鱼嘅芥辣味都几重手，食少少都好攻鼻，带嚟阵阵刺激感，珍珠饭嘅饭粒都好软熟，带点黏糯感。
沙律喺简单嘅沙律菜伴柚子醋，前菜则喺一啲渍物，颇开胃；而茶碗蒸外观就差咗少少，但里面有好多料，包括银杏、冬菇、鸣门卷、鸡肉，质感却又滑溜，甜品则喺简单嘅抹茶味蕨饼。
百香果红茶就当然唔会用上新鲜百香果啦，都喺以糖浆冲制，但味道都唔差，酸香清爽。
银鳕鱼西京烧定食 $185虽然喺主餐牌菜式，但一样喺定食嚟，包埋沙律、前菜、渍物、味噌汤、珍珠饭、甜品，所以，整份定食嚟讲，一样好丰富。卖相无太多花巧，但胜在份量十足，两大件银鳕鱼好有睇头，除咗烧得焦香之外，肉质细致嫩滑，极富油香，绝对喺高质素嘅货色，沾上少少沙律酱，风味更佳。
银鳕鱼西京烧定食
$185
21 浏览
0 赞好
0 留言
张贴
