影片
更多
2022-10-17
2700 浏览
老婆生日，一年一度，不过今年屋企有啲小维修工程要搞，所以，套番旧年咁，睇场早场（神探伽利略），再食餐晏昼饭，之后，都仲要返屋企继续啲维修嘢。俾佢拣食乜，佢都喺拣番「鸟山名」，因为佢话呢度嘅银鳕鱼喺最抵食。咁又喺，求先睇完戏，经过「如心二期」都有间日本菜「鮨乐」，同样有银鳕鱼定食，价钱平几十，但就得一嚿银鳕鱼，性价比相对无咁高。 环境就唔多讲，因为之前嘅食评都讲过好几次，但假期关系，门口有人等入座，里面又坐满客，都几多人帮衬。而入座时已讲明用餐限时一个钟，所以，流转快，等位唔会耐，咁食个午餐，一个钟都OK嘅。 枱上放有简单嘅调味料，送上入口舒服嘅玄米茶。点菜用二维码自行落单，如果唔熟悉操作嘅客人，亦可以直接揾店员帮手。小弟就叫咗假日午餐定食，定价相宜少少，又有餐饮送，老婆一心一意点嘅银鳕鱼定食就要向主餐牌埋手，所以，相对会贵啲。 寿司定食配手打乌冬 $134 之前试过佢啲刺身丼、吉列猪扒定食，出咗新一轮消费券今回就食贵少少要个寿司定食，一客有8件，仲配一大碗手打乌冬，并伴有沙律、前菜、茶碗蒸、甜品及餐饮，所以，份量肯定好足。先讲讲啲沙律、前菜、茶碗蒸、甜品，沙律喺简单嘅沙律菜伴柚子醋，前
环境就唔多讲，因为之前嘅食评都讲过好几次，但假期关系，门口有人等入座，里面又坐满客，都几多人帮衬。而入座时已讲明用餐限时一个钟，所以，流转快，等位唔会耐，咁食个午餐，一个钟都OK嘅。
枱上放有简单嘅调味料，送上入口舒服嘅玄米茶。点菜用二维码自行落单，如果唔熟悉操作嘅客人，亦可以直接揾店员帮手。小弟就叫咗假日午餐定食，定价相宜少少，又有餐饮送，老婆一心一意点嘅银鳕鱼定食就要向主餐牌埋手，所以，相对会贵啲。
寿司定食配手打乌冬 $134 之前试过佢啲刺身丼、吉列猪扒定食，出咗新一轮消费券今回就食贵少少要个寿司定食，一客有8件，仲配一大碗手打乌冬，并伴有沙律、前菜、茶碗蒸、甜品及餐饮，所以，份量肯定好足。
先讲讲啲沙律、前菜、茶碗蒸、甜品，沙律喺简单嘅沙律菜伴柚子醋，前菜喺一啲渍物，两者都叫人开胃；而茶碗蒸好有诚意，唔单止啲蒸蛋好滑，里面有好多料，包括银杏、冬菇、鸣门卷、鸡肉；甜品则喺一小粒抹茶味蕨饼，餐后一点甜。餐饮有好多选择，亦可加钱升级，但小弟就只喺要咗百香果红茶，因为老婆喺百香果忠粉，叫嚟俾佢叹吓。
8贯寿司有三文鱼、油甘鱼、纹甲鱿鱼、牡丹虾、蟹棒、帆立贝、鲭鱼（似喺，唔肯定）、螺肉军舰，几钟意饭粒细细，一啖过放晒入口，而饭粒捏得松软，唔死实，不过，睇到啲鱼生级数同质素都喺一般般货色，当中 鱿鱼、牡丹虾最好食，最鲜美。
手打乌冬可拣配蟹棒或牛肉，当然喺后者睇落正啲啦，碗手打乌冬嘅份量好足，而口感滑溜得嚟有韧劲，汤头亦好清香，伴有一大片油豆腐兼唔少牛肉，确喺颇为丰富嘅一份定食！
银鳕鱼西京烧定食 $193 基本上每次老婆嚟都喺点银鳕鱼，由佢卖$164、$185 ……到依家$193，价钱喺贵咗，但份量仍然好足，出面嘅银鳕鱼定食好少俾到两大件鱼咁多，所以，呢度喺抵食啲。而整份定食，仲包埋沙律、前菜、渍物、味噌汤、珍珠饭、甜品，一样好丰富。而事后先发觉错手俾多咗一份茶碗蒸，当喺额外花红咁啦。
餐前食少少沙律，清新一吓味蕾，再饮淡汤，味噌汤颇有面豉香味，但又唔会太浊；前菜、渍物，都喺啲伴饭嘅好拍档；而甜品喺一小粒朱古力饼，得好细粒，过过口瘾而已。
至于件银鳕鱼，果然保持水准，唔单止烧得外皮焦香，肉质细致嫩滑，极富油香，绝对喺高质素嘅货色，沾上少少沙律酱，风味更佳，一口黏糯嘅珍珠米，一口柔滑嘅银鳕鱼，大满足。
虽然，今餐无揾啲特别嘢食嚟庆祝，但最紧要喺老婆收货，佢好满意份银鳕鱼定食。
张贴
