影片
更多
2022-02-08
2214 浏览
返工日，廿多三十年老朋友东哥突然叫到出嚟食晏，当然应约啦。加上因为工作关系，佢唔喺成日晌香港，就更加珍惜呢啲短聚嘅机会。餐厅就由佢拣，就番小弟返工地点，都喺晌番中环，而佢对食都有少少要求，亦唔介绍使多少少，又避免太逼人嘅地方，所以，就拣咗嚟「香港华商银行公会」。小弟就唔喺银行业从业员，掹佢衫尾嚟到试吓。餐厅嘅环境就如一啲中式会所酒楼咁，唔会好富丽堂煌，但又不失气派，嚟嘅人都喺斯文客，交谈都唔会太嘈炒，更显得静局清幽。点心纸亦喺餐牌，底面两页就一眼睇晒，有点心、汤水、小食、厨师精选、粥粉面饭，以及商务午餐，茶位就收$15，最后睇番张单，无收加一，仲有85折添，唔知喺因为会员吖，抑或依家市道唔好，打啲折嚟吸客，因为呢度嘅定价都唔平架。家常老火汤 $48店家每日都提供老火汤，是日就喺润肺抗疫嘅西洋菜罗汉果陈肾生鱼煲猪踭汤，例牌就$168，位上就$48。我哋一人一碗，每碗嘅份量就等同家常饭碗嘅两碗，而捞一捞，确喺几真材实料，饮落的确滋润清甜。鲜虾烧卖皇 $48叫得烧卖皇，就梗喺包得够大粒啦，再加埋大大只鲜虾上面，感觉就好似一个价，又食虾饺、又食烧卖，哈哈！呢度收得咁嘅价，用料有番咁上下，啲虾好
餐厅嘅环境就如一啲中式会所酒楼咁，唔会好富丽堂煌，但又不失气派，嚟嘅人都喺斯文客，交谈都唔会太嘈炒，更显得静局清幽。
点心纸亦喺餐牌，底面两页就一眼睇晒，有点心、汤水、小食、厨师精选、粥粉面饭，以及商务午餐，茶位就收$15，最后睇番张单，无收加一，仲有85折添，唔知喺因为会员吖，抑或依家市道唔好，打啲折嚟吸客，因为呢度嘅定价都唔平架。
家常老火汤 $48店家每日都提供老火汤，是日就喺润肺抗疫嘅西洋菜罗汉果陈肾生鱼煲猪踭汤，例牌就$168，位上就$48。我哋一人一碗，每碗嘅份量就等同家常饭碗嘅两碗，而捞一捞，确喺几真材实料，饮落的确滋润清甜。
鲜虾烧卖皇 $48叫得烧卖皇，就梗喺包得够大粒啦，再加埋大大只鲜虾上面，感觉就好似一个价，又食虾饺、又食烧卖，哈哈！呢度收得咁嘅价，用料有番咁上下，啲虾好鲜爽，有浓浓虾鲜味；而里面嘅猪肉馅打得松化，有少少弹牙感。
蜜汁叉烧肠粉 $42一睇就知啲肠粉皮拉得够薄，透出里面嘅叉烧馅，而肠粉皮入口确喺又薄又滑，里面塞满叉烧馅，叉烧松化得嚟又唔会太多肥肉，绝无欺场。
生磨杏汁焗雪山包 $38虽然呢个雪山包晌点心纸定为甜点，但我哋都喺当一般点心嚟食，睇外观，个「雪山」有啲晒㶶咗少少。包面焗得香脆，但又唔易散，包身好软熟，最正喺里面有好多杏汁忌廉，杏味非常浓郁香甜，喜欢杏汁嘅客人应该几钟意。
蒜香软骨软鸽 $78都话老友食嘢有要求，就算喺午餐，都要食得好啲、丰富啲，就加咗一客乳鸽。咬落时热辣辣，外皮酥香脆口，睇落觉得仲有少少细只同瘦，不过，肉质都算嫩，而且，仲颇嗒落有丝丝蒜香！
五代同堂炒饭 $138何谓「五代同堂」，就喺虾仁、虾干、虾米、樱花虾、虾籽，炒埋一齐大大碟，卖相几靓仔，而且，好足料，货真价实，最正喺啲饭粒炒得爽身，唔会好油，此外，味道、口感亦丰富有层次，喺一道甚具水准嘅炒饭。
始终食晏得一个钟，未能畅谈得好多，但来日方长，总再有机会嘅，到时又跟东哥食啲好嘢。至于今餐，点心唔错，炒饭高质，招呼亦都好好，尤其招呼我哋呢边嘅肥仔哥，极之好礼貌。
张贴
