影片
更多
2019-11-29
5956 浏览
近来局势依然纷乱，但生活总要过，正如人生总有高低，你嘅生活唔会因此停落嚟，亦要揾啲点子调剂一下，免得太入局而影响自己情绪。故此，是夜与友人专登嚟到沙田「丽豪酒店」嘅「嘉年华吧」聚聚，揾个静静哋嘅地方食吓嘢，倾吓偈，谈谈近况，讲讲将来，兼且提早试试佢哋准备晌圣诞及元旦推出嘅「节日晚餐」。听个名就知喺行酒吧路线啦，原来又唔算喺，反而喺间美式餐厅+酒吧嘅混合体。如果净喺嚟饮吓嘢，拣啲梳化位就最舒服；如果嚟用餐嘅，有唔少舒适嘅卡位。入到嚟地方唔止大，仲有好多配套，例如美式桌球枱、飞标机，竟然仲有专业电竞设施添，听店员讲都喺新添置无耐，依啲设施仲喺无额外收费。餐厅正中央仲架起100吋大电视，直播英超同西甲，呢样就真喺啱晒我。有机会真喺想约啲波友一齐睇住英超，边睇边食。而有关于个「节日晚膳套餐」，定价为$428 / 人，四位用就会平少少，如提前预订并付全费，更可有低至75折嘅优惠。睇番个餐，都好丰富架，送红白餐酒或鲜果汁，菜式包括海鲜拼盘、餐汤、主菜、甜品及餐饮。白酒由于套餐头盘喺海鲜拼盘，所以，拣咗白酒嚟衬，而白酒喺自家品牌，店长专登展示一下俾我哋睇。色泽金黄晶莹，入口带微甜，有份果香，非常之易
听个名就知喺行酒吧路线啦，原来又唔算喺，反而喺间美式餐厅+酒吧嘅混合体。如果净喺嚟饮吓嘢，拣啲梳化位就最舒服；如果嚟用餐嘅，有唔少舒适嘅卡位。
入到嚟地方唔止大，仲有好多配套，例如美式桌球枱、飞标机，竟然仲有专业电竞设施添，听店员讲都喺新添置无耐，依啲设施仲喺无额外收费。
餐厅正中央仲架起100吋大电视，直播英超同西甲，呢样就真喺啱晒我。有机会真喺想约啲波友一齐睇住英超，边睇边食。
而有关于个「节日晚膳套餐」，定价为$428 / 人，四位用就会平少少，如提前预订并付全费，更可有低至75折嘅优惠。睇番个餐，都好丰富架，送红白餐酒或鲜果汁，菜式包括海鲜拼盘、餐汤、主菜、甜品及餐饮。
白酒由于套餐头盘喺海鲜拼盘，所以，拣咗白酒嚟衬，而白酒喺自家品牌，店长专登展示一下俾我哋睇。色泽金黄晶莹，入口带微甜，有份果香，非常之易入口，配海鲜真喺十分之夹。
国际海鲜拼盘唔喺讲笑，虽然按人头数，但真喺摆出一大盘共有6款海鲜嘅拼盘（餐牌都喺标示5款，实行卖大包），包括波士顿龙虾、鲜虾、青口、鳕场蟹脚、海螺、大蚬，并伴上柠檬角及惯常见到食海鲜用嘅咯嗲汁，单喺份量计，已经觉得好有震撼力，再睇睇睇啲海鲜嘅色泽，绝无欺场。
国际海鲜拼盘
24 浏览
0 赞好
0 留言
美式鲜蚬周打汤个汤睇落平平无奇，其实，入口就知真材实料，质感啱啱好，非常绵滑富奶香，而且，混入唔少鲜甜嘅大蚬，但出奇地比冻海鲜啲蚬更鲜，更肥美。
美式鲜蚬周打汤
15 浏览
0 赞好
0 留言
餐牌中写住有应节嘅香烤火鸡，初时都担会一大件，依家睇到喺每份主菜都额外配两大片，共伴有大量薯菜，咁就啱啱好喇。然而，肉眼嘅份量亦唔少，大大件煎得焦香。
香烤安格斯肉眼牛扒配野菌汁、节日香烤火鸡
16 浏览
0 赞好
0 留言
火鸡一向俾人嘅印度都喺嚡烚烚，虽然，眼前呢件唔可以讲喺嫩滑无比，但亦无话食落好嚡嘅感觉；
至于啲薯菜，唔止喺款多，全部都炒过或处理过，香口而唔会味道好寡。
香烧龙虾配荷兰汁 、节日香烤火鸡荷兰汁通常见于配宾尼迪蛋，但今回就配龙虾，感觉都好特别。虽然得半只波士顿龙虾，但因为本身都够大只，所以，整碟出嚟嘅卖相都好有睇头，尤其香烧过后，龙虾显得金黄而焦香，十分诱人。
香烧龙虾配荷兰汁 、节日香烤火鸡
20 浏览
0 赞好
0 留言
慢煮三文鱼配香草忌廉汁、节日香烤火鸡就算只喺三文鱼，都无做得马马虎虎，以慢煮方式先处理，再煎香整件三文鱼扒，睇层外皮，煎得甘脆吸引。如果有留心，每道菜都有其细节位，将香草忌廉汁以小兜装起，就唔会因淋落啲鱼度而整腍层外皮啦。
由于经过慢煮，所以，基本上上碟前再轻煎就可以，不过，个人就觉得有可能煎过咗少少，所以，肉质确喺柔滑有油香嘅，但又未至于𠮶种嫩到滑落喉咙，然而，配上啲香草忌廉汁，加上啲鱼皮劲香脆，整体嚟讲都喺一道出色嘅三文鱼菜式。
朱古力慕丝蛋糕伴野莓酒店级数即喺酒店级数，去到甜点都仲喺保持番个水准，店员更话，去到临近圣诞，装饰更唔止得啲野莓咁简单。咪睇件饼「黑掹掹」一嚿，如细心望望，就睇到由上而下，一共有5层：慕丝、海绵蛋糕、朱古力软浆、慕丝、海绵蛋糕，全部以朱古力为主调，所以入口嘅朱古力味好浓郁，慕丝做得幼滑细致，海绵蛋糕软绵有回弹力，中层嘅软浆柔滑香甜，喺甚高水准嘅出品。
朱古力慕丝蛋糕伴野莓
24 浏览
0 赞好
0 留言
即磨咖啡享受甜品，又岂可无杯咖啡配衬一下呢？餐饮就选上即磨咖啡，一杯芳香醇厚嘅咖啡，喺可以为甜点锦上添花。友人拣咗热柠热，喺为丰富嘅一餐消消滞。
餐厅唔止环境好，气氛轻松，招呼又到位，又有好多配套。虽然喺酒吧餐厅，但大人细路都啱，怪唔之得见到近窗有一大班家庭客，就喺帮啲小朋友庆祝生日！今晚同朋友都倾咗好多，渡过咗一个非常愉快嘅晚上，唯可惜地铁早收车，只可以揾日「嘉」时下半场再倾过。
题外话/补充资料：
原来，佢哋仲晌官方FB搞咗个「免费送出濠餐厅节日自助晚餐两位」游戏，游戏日期只得几日咋（11月29日至12月1日），玩就衬快喇！
https://www.facebook.com/diningatregalriversidehotel/
(以上食记乃用户个人意见 , 并不代表OpenRice之观点。)
张贴
