影片
更多
2024-05-01
3878 浏览
趁假期无乜细艺，约咗老死「洪哥」行山，因为得我哋两个，所以点行都得，就晌美孚出发，经中山台上马骝山，再驳住奕信径行到去城门，再落下城门水塘直铲到大围，我哋都算行得快，唔使3个半钟。而去到大围就喺佢嘅主场，就带我嚟到「金城茶餐厅」食佢嘅招牌嘢。餐厅喺典型茶几格局，右边一般卡位，中间细圆枱，左边仲有少少二人台，整体嚟讲，一个字：「逼」，同埋招呼嘛嘛，咁嚟得茶记就预咗，不过，觉得唔需要做尽每一张枱嘅客量啰。例子一：有两父子入嚟时刚好坐咗左侧二人枱，其实好正路，不过，疑似「老板」嘅男士就叫佢哋调去中间嘅细圆枱同人搭枱，话𠮶啲二人枱喺俾啲啲单身客搭枱用；例子二：就喺有个后生仔一个人嚟食，睇住佢被个「老板」调咗两次位，要注明喺个男仔喺食到中途嘅。我觉得啲客嘅流转算喺超快，好快转头又有啲吉枱，其实无必要做到咁。所以，服务一栏，真喺一星都唔想俾架。你见张张枱面都有块胶板栋住，唔喺因为卫生问题，就喺上文所讲方便「叫」人搭枱，而餐具、调味料放晒上枱，啲枱又好细张，所以，真喺摆个碟头饭加啲嘢饮就已经无乜位。餐牌已贴晒晌门口，入去之前都已经睇定食乜嘢，老友就话佢哋嘅生煎肉饼饭喺招牌，小弟当然试下啦；而老友就拣
餐厅喺典型茶几格局，右边一般卡位，中间细圆枱，左边仲有少少二人台，整体嚟讲，一个字：「逼」，同埋招呼嘛嘛，咁嚟得茶记就预咗，不过，觉得唔需要做尽每一张枱嘅客量啰。例子一：有两父子入嚟时刚好坐咗左侧二人枱，其实好正路，不过，疑似「老板」嘅男士就叫佢哋调去中间嘅细圆枱同人搭枱，话𠮶啲二人枱喺俾啲啲单身客搭枱用；例子二：就喺有个后生仔一个人嚟食，睇住佢被个「老板」调咗两次位，要注明喺个男仔喺食到中途嘅。我觉得啲客嘅流转算喺超快，好快转头又有啲吉枱，其实无必要做到咁。所以，服务一栏，真喺一星都唔想俾架。
你见张张枱面都有块胶板栋住，唔喺因为卫生问题，就喺上文所讲方便「叫」人搭枱，而餐具、调味料放晒上枱，啲枱又好细张，所以，真喺摆个碟头饭加啲嘢饮就已经无乜位。
餐牌已贴晒晌门口，入去之前都已经睇定食乜嘢，老友就话佢哋嘅生煎肉饼饭喺招牌，小弟当然试下啦；而老友就拣快餐，抵啲呀嘛！不过落单时又喺呢位疑似「老板」，啲态度特别差，讲多句或谂多阵，已好似要杀人父母咁，有时见其他客嘅表情，似有种无奈感。
蜜椒猪扒饭 $57快餐本应有3个选择，不过，依家得番两款，虽然佢哋嘅服务真喺超麻麻，但喺食物嘅质素就一啲都唔失礼，好似呢个猪扒饭，睇相就见猪扒份量超多，而且，煎得靓仔，加上以蜜糖黑椒调味，食起嚟非常惹味，小弟都试咗嚿，确喺几正。
生煎肉饼饭 $64大大件肉饼，又厚身，冚晒啲饭，喺几有睇头，加上底面都经过煎香，望上去颇为吸引。食落个肉饼口感松化，而且，感觉肥猪肉唔多，加上煎过，一口咬落去嘅时候有少少焦香嘅脆口感，但喺你话喺咪好惊为天日，咁又未至于，个人觉得只可以讲喺去到值得一试嘅程度。
冻柠茶 +$3平常嚟茶记就梗喺拣热奶茶啦，今日真喺行到身水身汗，加上朝早已经饮咗杯热奶茶，所以，整番杯冻柠茶解吓暑热，爽一爽吓先。不过，啲冰落得超多，啜几啖已经差唔多饮晒，味道方面不过不失，茶味唔算好浓，俾得三片柠檬都喺差唔多啦。
上文都讲过，佢哋会做尽每一枱客嘅生意，所以，你一食完指定动作喺清枱、执走碗碟，但绝对唔会好似出面一啲稍为好嘅餐厅侍应咁，执完嘢之后会同你讲慢慢坐。嘢食就唔错，但服务喺赶客型，定价亦比一般茶记贵少少，所以，拉上补下，整体评分就只好俾个中等。
张贴
