影片
更多
2019-11-16
4527 浏览
茶餐厅始终喺香港人嘅饮食文化，一向都好受普罗大众嘅欢迎，就好似今次同朋友嚟到太子嘅「 基隆茶餐厅」，属小店规模，但就眼见有好多人帮衬，正值午市嘅尖峰时间，门外仲企咗唔少客等位。一般茶餐厅格局，两边都喺卡位，中间就排咗可活动嘅2、4人枱，老实讲，环境真喺好逼，啲通道其实勉强够一个人侧侧身咁过。然而，啲阿姐、阿哥都好礼貌，不过，出菜就好乱吓，经常听到嘅一句喺有无人有嗌乜乜乜呀。晌等位期间，已经睇定食乜，因为贴咗唔少午餐嘅选择，例如「每日精选午餐」，写明边日有啲咩，每日有4款碟头嘢，奉送餐饮，卖$40，比起近弥敦道啲茶记平5、6蚊架喇。以为「午餐」得一类，晌门口水牌仲贴咗张手写嘅「午餐」，共有3款，奉送餐饮，但就可以拣例汤，同样卖$40。不过，友人对啲午餐麻麻，反而相中款「全日餐」，睇落又确喺几特别，秘制姜酒生滚鲜牛肉或猪润，可配唔同粉面，只卖$38，抵食㖞。连福面都有，老友喺福面迷，啱晒佢，可惜当日话无福面㖞，哈哈！秘制姜酒生滚鲜猪润通粉 $38老友话坚有酒香，加上面面仲放咗一大撮姜蓉，无姜味都几难，配通粉又几唔错㖞，而啲猪润灼得刚好，软滑而粉粉哋，但只得四片而已，感觉少咗啲。整体而言，喺
一般茶餐厅格局，两边都喺卡位，中间就排咗可活动嘅2、4人枱，老实讲，环境真喺好逼，啲通道其实勉强够一个人侧侧身咁过。然而，啲阿姐、阿哥都好礼貌，不过，出菜就好乱吓，经常听到嘅一句喺有无人有嗌乜乜乜呀。
晌等位期间，已经睇定食乜，因为贴咗唔少午餐嘅选择，例如「每日精选午餐」，写明边日有啲咩，每日有4款碟头嘢，奉送餐饮，卖$40，比起近弥敦道啲茶记平5、6蚊架喇。
以为「午餐」得一类，晌门口水牌仲贴咗张手写嘅「午餐」，共有3款，奉送餐饮，但就可以拣例汤，同样卖$40。
不过，友人对啲午餐麻麻，反而相中款「全日餐」，睇落又确喺几特别，秘制姜酒生滚鲜牛肉或猪润，可配唔同粉面，只卖$38，抵食㖞。连福面都有，老友喺福面迷，啱晒佢，可惜当日话无福面㖞，哈哈！
秘制姜酒生滚鲜猪润通粉 $38老友话坚有酒香，加上面面仲放咗一大撮姜蓉，无姜味都几难，配通粉又几唔错㖞，而啲猪润灼得刚好，软滑而粉粉哋，但只得四片而已，感觉少咗啲。整体而言，喺唔错嘅，又有啲特色。
焗卡邦尼蟹柳鸡扒饭 $40其实即喺白汁焗饭，蟹柳就当然喺雪藏𠮶类货色啦，鸡扒俾到两大件，算喺足秤抵食。而味道方面，友人就话只喺不过不失，原来汁底味薄，又焗㶶少少，要扣啲分。
胡椒猪肚汤饭 $44呢度提供唔少汤饭选择，而呢一道汤饭亦出色，大概都喺因为胡椒猪肚汤本身香浓，又有个性，就咁饮已经唔错，配饭自不然唔差得去边，况且，猪肚爽口，又无燥味，份量更喺十足添。
干炒牛河 $40小弟就拣牛河，虽然喺惯常见到嘅炒粉饭面，但炒得好都唔容易。我谂住点午餐都应该快啦，但都等咗近15分钟，见侍应一手四碟咁出嚟，就知喺因为储单。睇外观好油吓，食落其实都喺几油，用咗啲幼身嘅河粉，炒得均匀上晒色，味道亦都唔错，牛肉够腍滑，但份量偏少，唔知喺咪我啲牛肉去咗人哋𠮶碟度！
热奶茶晌茶记，点奶茶真喺无乜点衰，喺颇为稳胆，不过，今次就有啲烧须。杯奶茶茶底唔浓，茶香弱，又或者有可能落得太多奶，茶、奶比例唔理想，入口嘅口感亦唔觉滑。
我哋所嗌嘅两款「精选午餐」都喺麻麻哋，反而其他碟头做得有水准。由于地方都唔喺太好坐，所以，食饱就闪，都无话坐多阵倾吓偈。
张贴
