基隆茶餐廳

营业中

休息中

近日因為一人盆菜嘅風波，令作風一向低調，位於深水埗嘅良心飯店——基隆茶餐廳，得到大家深切關注。其實深水埗基隆茶餐廳嘅老闆娘Cat姐喺90年代就開始幫助基層市民，向有需要嘅人派發飯盒。今日我就嚟到基隆茶餐廳食下午茶，支持一吓呢間愛心飯堂。常餐嘅選擇有三種，分別係叉燒、雪菜絲同沙嗲牛肉，識食就梗係食沙嗲牛肉啦！沙嗲牛肉麵嘅沙嗲汁濃郁，麵底掛湯而且軟硬適中。跟餐仲有牛肉奄列，煎得好吃，味道唔錯。下午茶嘅即炒粉麵飯選擇多，而且價錢平。呢個時菜沙嗲牛河份量唔少，牛肉入味軟腍，如果河粉都可以炒炒會更加好味。

去太子嗰頭開會，開會前同同事食個下午茶，原本諗住去間新開燒鵝店試新嘢，去到太多人就轉去大埔道一間食開嘅茶餐廳，點知已經結業大吉，唯有行翻去界限街嗰邊，時間緊逼，見到基隆茶餐廳有位即衝入去，同事叫咗個乾炒豬排烏冬，佢話好好食豬排炸得好香好入味。我就叫咗個常餐好似比下午茶更豐富，沙嗲牛肉意轉咗即食麵，沙嗲好香牛肉軟身無筋，麵都煮得爽口，跟餐有火腿奄列及牛油方包，好耐無飲凍奶茶，佢杯凍奶茶唔錯，茶夠濃同奶嘅配搭啱啱好。仲有佢嘅午餐同下午茶差唔多價錢，如果食午飯感覺上會優惠啲。

今日又係好繁忙的一天，中午時分去咗旺角太子一帶，經過界限街見到聞名已久嘅基隆茶餐廳，佢出名從來唔係因為出咗甚麼美食，而係茶餐廳會定期派飯及物資比區內老弱社群，剩係呢點都值得支持一下，可能已過最忙時間店內不是滿座，我輕鬆坐下卡位看餐牌，午餐都算平，叫咗個葡汁焗雞皇飯，等超過10分鐘，上枱熱辣辣，明顯係即叫即焗，葡汁面加咗芝士，焗完有些焦香，雞扒都係煎過先焗，皮脆肉嫩，米飯煙煙靭靭，我比75分，不過不失。凍奶茶反而唔錯有茶香又夠滑溜。

佛心價茶餐廳 午餐飯可以4字頭連熱飲人情味重 睇得出好多街坊都係到食開飯又吹水我地入到去都覺得伙記好nice 好似番左屋咁🥘上海菜飯配豬扒就是家的感覺豬肉切得厚實 外層炸得金黃酥脆 煎得外酥內嫩想健康d就食下菜飯 有營養價值又原始清淡口感同豬扒係完美既平衡平時淨白飯呢 我就一定食唔哂一配左菜切粒粒 即刻成碗食哂🥘海鮮鰻魚炒飯海鮮鰻魚炒飯米飯炒得恰到好處每一粒米都分開 但少少黏稠 米粒保持著一定口感鰻魚就係亮點之一 另外 海鮮應該有d魷魚之類 鰻魚味同豉油既添加提供左獨特風味鰻魚同米飯搭配非常夾 食得出係港風炒飯味道 而唔係傳統日式鰻魚飯奶茶☕️茶底好夠濃味 不過我覺得略為霸咗個奶味少少

食物好好食，價錢好合理，夥計客人都好開心。平日下晝客人唔算多，但都坐滿，夥計輕鬆，好有禮貌。有個婆婆拉住買餸匧入黍，大家即刻讓位。夥計又會幫佢拉埋個篋放開－邊。客人搭枱又會撘下爹好親切，好有街坊茶餐廳。好似以前細個咁，好開心食左－餐超值又有愛嘅午餐😋食咗個午餐京都豬扒飯熱奶茶，奶茶茶味重都夠滑。豬扒飯叫咗小飯，嚟嘅時候好滿意，因為真係少咗飯😉 熱辣辣嘅豬扒仲脆嘅，甜酸味適中，美中不足啲洋蔥唔爽口，咁會好味啲😜對面茶客叫沙薑雞飯，40幾蚊有一碟¼隻嘅雞。好香，沙薑汁都好均勻，有少少後悔冇叫！

聽說是一間善心的茶餐廳,今午,帶着很攰的身軀,完成到界限街取文件的任務,找這間茶記,試吓佢既食物水準.叫咗下午茶餐：鼓椒排骨炒河+奶茶($40）排骨炒河,水準一般,味道適中,比普通茶記,不太多味精也不太鹹,可以的.奶茶,煮得有一點耐咗,茶質正常,普通茶記貨色.可以接受.對坐的先生,叫了一份义燒湯意粉,炒蛋,多士,熱啡.半肥瘦的义燒片,不错,意粉看上去也不是很"林"的那款. 炒蛋及多士,一般.抹地姐姐,很有禮貌.抵讚.環境衛生,都可以.

就快又到農曆新年🧧，舊年盤菜事件相信都無乜人唔知，順路便過黎基隆食個下午茶支持下佢。其實三十幾四十蚊個下午茶，宜家黎講都真係算平通街，食材來貨都唔平，仲有最低工資各樣。睇睇餐牌，選擇太多一下子唔知食咩好，最後決定要一份炒野同一份沙律餐。🍋熱檸茶&🍼熱奶茶飲品先到，老派茶餐廳風格，透明杯上嘅檸茶😄茶底幾濃，朋友嘅奶茶夠滑，兩杯都夠熱抵讚，近日天氣凍嘛。🍚欖菜肉鬆炒飯朋友話要食飯就叫呢樣，正常嘅炒飯，炒得香口唔油膩，欖菜鹹鹹地真係好啱配飯食😌🍳火腿蛋沙律跟多士自己叫左沙律餐，沙律係港式🍎🍐雜果沙律，而家越來越少餐廳做，功夫多又唔啱口味，個個都話要健康食菜沙律，其實我鍾意雜果沙律多啲😁個沙律有紅蘿蔔、薯仔、青瓜、蘋果同梨等，切都唔少時間，加埋個沙律醬正呀😝煎嘅火腿蛋就無乜特別，唔…仲有塊剛烘起又塗左牛油嘅多士，真係好好味。位就迫啲，裝修都睇得出有一段日子，意外地啲伙計幾好禮貌，支持下良心店啦👍

基隆有善心食物多選擇又好食經過就梗係要入去幫襯下啦！當日去到係大概中午到下午茶餐之間嘅時間朋友泊緊車，諗住等埋佢先叫所以花咗啲時間研究吓個餐牌本身唔係太餓所以都研究吓下午茶會唔會有啱食唔洗浪費。突然有個女侍應從我哋手上拎起個餐牌將下午茶嗰面擰轉，叫我哋睇另一面🤯其實我都係兩邊嘅餐牌研究吓姐⋯⋯比着係其他店有啲咁舒服嘅對待其實朋友都會走人不過因為佢係基隆，我哋就包容佢。食嘢先：我食嘅係肉餅飯，同埋叫咗碗湯。唔使我多講都知足料又好食啦不過途中呢位女侍應又黎過⋯⋯所以我哋都係食完急急腳咁走下次都係叫外賣算。

一直想試吓傳說中的良心茶餐廳，機緣巧合下，今日走咗入去，歎個下午茶，掂喎👍見到鄰桌個豆腐火腩飯（好正），勾起我麻甩的傲慢，下次要試吓厨房出品😄一直想試吓傳說中的良心茶餐廳，機緣巧合下，今日走咗入去，嘆個下午茶，掂喎👍見到鄰桌個豆腐火腩飯（好正），勾起我麻甩的傲慢，下次要試吓厨房出品😄品評飲食，基本上是:好（飲）食／唔好（ 飲）食／幾好（飲）食。再簡單啲，好就係好，唔好就話唔好唔明點解一定要80／200字。如果我衹想說:好食，我要重覆40次？

基隆茶餐厅一直都好想去基隆茶餐厅，咁啱要入粉嶺，梗係試下佢掂唔掂啦🥴蛋鹹牛肉加多士 🍞呢個鹹牛肉加多士絕對係佢哋嘅招牌菜！舖頭好細心將多士切到細細件，非常方便塊包烘到脆卜卜加埋超級多牛油🧈就咁食已經冇得輸！到個鹹牛肉蛋，蛋入面有少少蔥花，鹹牛肉份量都足，完全冇過鹹嘅問題，蛋亦唔會太老，加埋嗰塊脆卜卜多士，可以話好冇破綻🤪沙嗲牛肉麵🐮餐廳用嘅係出前一丁，麵身啱啱好唔會太林又唔會過硬，沙嗲有少少花生醬味，整體嚟講就係一個普通嘅沙嗲牛肉麵😂 豬扒 🐷豬扒煎到好香口，咬落好林身應該落咗嘢拿過，$16來講份量都算多，可以叫返份送下麵🥴總結呢啲茶鐺喺香港真係買少見少，價錢平民，而且佢仲有自己特色嘅嘢食，香港地今時今日廿幾三十蚊可以食到個咁嘅早餐仲想點😋

基隆茶餐厅係太子住咁耐都無乜係大圍搵食，因為好難搵到位泊車，但漢年既鹽焗雞髀飯炒底會令我特登搭車去食🤘🏻呢度既鹽焗雞髀飯有分碗/碟上，雞髀有兩排，肉質唔肥又嫩滑多汁，入晒味但唔會過鹹；炒飯炒到每一粒都金黃色有蛋漿包住，夠晒乾身同鑊氣。想加d汁既可以點埋佢地秘製沙薑汁，味道好濃，又係另一番滋味👍🏻朋友叫左干炒三絲烏冬同，炒得好乾身，食晒成碟唔會見到有堆豉油/醬汁係底。聽聞佢既另一名物係椒鹽豬扒飯，搵次都試下先！溫馨提示：好似只係開到夜晚7點/7點半，想買外賣做晚飯就要早d啦🖐🏻基隆茶餐厅📍太子界限街24号地舖————————————————————————

"基隆茶餐厅🚂燈光偏暗一點 店員都幾nice-🍲招牌湯河 湯河個碗好大 份量唔少湯底牛骨味幾濃 唔錯😆配料有牛丸 牛腩 牛肉片 牛筋 牛栢業 蘿蔔牛肉片佢地會灼熟 牛腩大件厚身 牛筋腍身 keep到帶點韌性牛栢業爽身 牛丸差少少 冇咩味🥲蘿蔔腍身清甜 但唔知點解帶點酸味 不太喜歡🤨河粉都彈牙的 整體黎講算是中等吧-🍤大蝦柚子沙律大蝦唔係好大 普普通通-💸抵食指數: 🌕🌕🌕🌕🌑⏳等候時間: 0 min (weekday 8:00pm walkin)-📍基隆茶餐厅太子界限街24号地舖

呢度食物選擇非常之多, 樣樣都好吸引, 真係多到唔識揀😂乾炒沙爹牛柳絲一丁🐮($48)沙嗲完美地覆蓋每一條偏硬身既公仔麵, 牛肉切成條狀夠曬腍身😋薑米火腩粒蛋白炒飯🍛($50)火腩粒勁多加埋蛋白同薑粒去炒口感好豐富, 飯夠乾身食落有微微既薑味, 好暖胃既一個炒飯🥰焗豬扒飯🐷($52)新鮮出爐既炒底焗豬有兩大塊鬆軟既豬配上偏甜同濃郁既番茄汁去焗既一個飯真係好好食😊乾炒豬扒河粉🍜($48)乾炒牛河就食得多, 豬扒炒河真係第一次食, 河粉份量都幾多炒得夠鑊氣, 半肥瘦既豬扒食落帶少少油脂🤩呢度絕對係速食既好選擇, 黎到太子可以試下😉

雖然餐廳有點小隱密，而且店內位置不多，一到用餐時間就大排長龍，✨👉🏻自選雙拼滑蛋飯 👉🏻檳城炒蝦麵 👉🏻流沙奶皇西多士 👉🏻鹹檸檬七喜這次點的全部都愛！尤其是滑蛋飯的滑蛋配上叉燒，真的是想跟食神裡的評審一樣在上面翻滾😆愛奶皇的朋友們也千萬不能錯過他們家的#流沙奶皇西多士 ，一切下去內餡直接不客氣地流出來，趁熱吃每一口都滿足又幸福！還有好多菜單上的東西想點，下次還要再去😍

😌 小編依日會喺太子做嘢，早少少出門喺附近先食個lunch先。心血來潮想食湯飯，就諗起基隆茶餐廳。[ 亂闖試飲試食 ]🍲 勝瓜肉片湯飯 😋😋😋😋😋☀️夏天食湯飯係一個好選擇，尤其小編鍾意食勝瓜。依個湯飯嘅勝瓜同肉片嘅份量都有唔少，白飯仲多！勝瓜索湯得嚟，爽口清甜。皮刨得剛剛好，見到青綠色，非常新鮮！👍🏻 湯有濃郁嘅肉味同薑味，湯呈奶白色、帶鹹！☕️ 熱奶茶 😋😋😋😋熱奶茶小編喺茶餐廳必點！奶同茶比例剛好！午餐 💵 約港幣$50/人💁🏻‍♀️ 以份量嚟講，依個湯飯喺茶餐廳嚟講算好抵食！雖然地方比較細，不過大家午飯時段嚟都係想快快手食完開工，想飽肚而又想食好味嘅，可以去試試喔！😉🙆🏻‍♀️ 最後，喜歡嘅話，歡迎follow @foodirectory.hk ！