影片
更多
2022-11-10
1657 浏览
完咗聚会，照旧同朋友落返太子食晏，本来打算翻兜「Victoria Restaurant」，但多人排，过去隔离嘅「花墟茶餐厅」，纯粹贪方便。一心谂住茶记，都唔会差得去边，加上睇落佢门面又几光鲜，食个晏啫，无再太多考量就入咗去。其实里面装修唔错，摩登新潮，新簇光猛，整洁企理。大部份都喺卡位，但啲卡位有少少窄，大只啲嘅客人可能感觉无咁舒服。埋单时晌收银处见有外卖单张攞，所以，扫瞄贴埋出嚟俾大家参考。唔介多介绍，茶餐厅胜在乜都有，早餐、午餐、茶餐、特餐、常餐、面餐、碟头饭、小炒……等等，一应俱全。而午市套餐就另外一个餐牌，日日都有6款供选择，定价都喺五十零蚊，太子区，差唔多啦。小弟就拣咗个常餐，转通粉，惯例饮热奶茶。常餐H $48常餐由A-I共9款，小分拣嘅H喺香煎猪扒面（转通粉）配火腿奄列及牛油厚多士，饮热奶茶。先登场喺嚟咗个通粉，碗粉喺大碟，可惜煮得有少少过腍，而件猪扒好怪，猪扒唔猪扒，猪柳唔猪柳，好薄，炸得好油，亦有啲韧，就算未至于柴皮咁干，口感绝对麻麻哋，算喺人生中食过最差嘅猪扒，可以讲完美示范咗咩叫做「照片仅供参考」。火腿奄列及牛油厚多士又点？份量就好足架嘢，蛋内有唔少火腿，而多士明
其实里面装修唔错，摩登新潮，新簇光猛，整洁企理。大部份都喺卡位，但啲卡位有少少窄，大只啲嘅客人可能感觉无咁舒服。
埋单时晌收银处见有外卖单张攞，所以，扫瞄贴埋出嚟俾大家参考。唔介多介绍，茶餐厅胜在乜都有，早餐、午餐、茶餐、特餐、常餐、面餐、碟头饭、小炒……等等，一应俱全。
而午市套餐就另外一个餐牌，日日都有6款供选择，定价都喺五十零蚊，太子区，差唔多啦。小弟就拣咗个常餐，转通粉，惯例饮热奶茶。
常餐H $48常餐由A-I共9款，小分拣嘅H喺香煎猪扒面（转通粉）配火腿奄列及牛油厚多士，饮热奶茶。先登场喺嚟咗个通粉，碗粉喺大碟，可惜煮得有少少过腍，而件猪扒好怪，猪扒唔猪扒，猪柳唔猪柳，好薄，炸得好油，亦有啲韧，就算未至于柴皮咁干，口感绝对麻麻哋，算喺人生中食过最差嘅猪扒，可以讲完美示范咗咩叫做「照片仅供参考」。
火腿奄列及牛油厚多士又点？份量就好足架嘢，蛋内有唔少火腿，而多士明显做得都喺求其，烘一烘，挞少少牛油落去，另外，胆敢讲句，肯定唔喺「厚」多士啰。
杯热奶茶总算攞番少少分，其实唔算好高质，但对比起通粉、奄列，奶茶叫做喺茶记出品嘅应有水平，色泽沉实，茶底够香，茶奶比例亦OK，喺口感未冲到丝咁滑。不过，冲到成个杯边都喺茶渍，就令观感大打折扣啫！
可能喺我咁唔好彩，拣咗个中伏常餐，朋友话佢哋嘅午餐唔错㖞。招呼方面，都喺一般般，无话好好，亦唔觉差，不过，应该就唔会再帮衬。其实，家下做饮食确喺唔容易，所以，小弟都甚少俾负评，「花墟茶餐厅」你算喺实至名归！
张贴
