影片
更多
2018-01-31
102 浏览
※本文以用餐当日的环境、服务和食物质素为准，口味亦因人而异，文章只作参考之用。-前排发觉友面子旧址转左做一间火锅店，仲同楼上既任食伦哥火锅打对台，不过呢间火锅店个名令小妹印象深刻，玩食字叫「大滚友」火锅！开玩笑一问：系咪唔正经场所黎？！放心绝对正经，仲可以大家齐齐出去滚滚下。前身面店铺仔细细，估唔到装修到咁古色古香和企理。我们被安排坐卡位坐得颇舒服，店员服务态度都很好，去食个时餐厅仲系试业期间，就系上菜速度有大大改善空间，希望正式开业会更加好。前后两页纸的点菜纸，排版上又颇盏鬼的。火锅汤底有「花胶鸡汤」、「麻辣卜卜蚬」、「黑胡椒肉蟹混浓汤」、「花雕药膳鸡汤」等；另外仲有款式几多的火锅配料，比较特别有咸蛋黄炸响铃、花雕浸牛肉、鹅肝墨鱼丸等，仲有以饺子为主题的「今晚饺唔饺」见到个大标题都忍唔住笑左！（酱料$20/位，另收加一）不得不说既系呢度既锅超有气势，两边都有个龙头造型对住你。半只花胶鸡汤锅 $288想食花胶鸡汤一段时间了，上枱时，花胶同鸡系同锅汤分开既，店员会帮手剪细花胶放落锅里，滚多滚可以先饮左鸡汤同食花胶先。鸡汤入口唔会话好浓味，饮到既系阵阵鸡汤既鲜味，觉得系无落味精的，仲有软绵
-
前排发觉友面子旧址转左做一间火锅店，仲同楼上既任食伦哥火锅打对台，不过呢间火锅店个名令小妹印象深刻，玩食字叫「大滚友」火锅！开玩笑一问：系咪唔正经场所黎？！放心绝对正经，仲可以大家齐齐出去滚滚下。
前身面店铺仔细细，估唔到装修到咁古色古香和企理。我们被安排坐卡位坐得颇舒服，店员服务态度都很好，去食个时餐厅仲系试业期间，就系上菜速度有大大改善空间，希望正式开业会更加好。
前后两页纸的点菜纸，排版上又颇盏鬼的。火锅汤底有「花胶鸡汤」、「麻辣卜卜蚬」、「黑胡椒肉蟹混浓汤」、「花雕药膳鸡汤」等；另外仲有款式几多的火锅配料，比较特别有咸蛋黄炸响铃、花雕浸牛肉、鹅肝墨鱼丸等，仲有以饺子为主题的「今晚饺唔饺」见到个大标题都忍唔住笑左！（酱料$20/位，另收加一）
不得不说既系呢度既锅超有气势，两边都有个龙头造型对住你。
半只花胶鸡汤锅
$288
11 浏览
0 赞好
0 留言
半只花胶鸡汤锅 $288
想食花胶鸡汤一段时间了，上枱时，花胶同鸡系同锅汤分开既，店员会帮手剪细花胶放落锅里，滚多滚可以先饮左鸡汤同食花胶先。鸡汤入口唔会话好浓味，饮到既系阵阵鸡汤既鲜味，觉得系无落味精的，仲有软绵绵既花胶食。饮完汤再落埋鸡件食，不过鸡件就略为肥左少少，皮亦较厚。
日本手切飞驒和牛
$328
20 浏览
0 赞好
0 留言
日本手切飞驒和牛 $328
盘和牛上枱时仲有干冰衬托住，喷晒烟很梦幻的。骤眼睇约有十几片和牛，可惜中间砌成花形既有点倾斜了。靓既和牛稍微轻轻一焯已经食得，入口肉质相当软嫩，肉味一涌而上，不需蘸上任何酱汁，细味品尝就好。
大滚友手打肉丸拼盘 （10粒）
$108
22 浏览
0 赞好
0 留言
大滚友手打肉丸拼盘 （10粒）$108
包括有蟹子墨鱼丸、蟹子鲜虾丸、鹅肝墨鱼丸、牛丸同猪肉丸各两粒。手打丸类食落新鲜无误，系墨鱼丸尚欠点墨鱼味。不过个鲜虾丸真系好鲜味爽口、鹅肝墨鱼丸咬到一半仲见到鹅肝流紧油，配搭新颖味道都唔错。牛肉既牛味都好重，味道似系以鲜牛肉打出黎。
黑松露蟹肉饺
$88
14 浏览
0 赞好
0 留言
黑松露蟹肉饺 $88
小小一只却相当饱满既蟹肉饺，咬落渗出阵阵唔会过于强烈既松露味，仲见到里面混有丝丝蟹肉同虾米。不过蟹肉味唔算好重，可以重手返少少。
即炸黄金响铃
$68
16 浏览
0 赞好
0 留言
即炸黄金响铃 $68
黄金响铃=咸蛋黄响铃，由于即点即卷即炸，所以等都左一阵子。建议可以当小食黎食，因为浸汤后咸蛋黄味应该会流。用咸蛋黄黎炸既响铃咬落好酥脆，蛋黄味好重，食落仲有起沙既感觉，小妹觉得几好食，不过食两条已经系极限，都几饱肚。
蜂巢冰豆腐
$48
6 浏览
0 赞好
0 留言
蜂巢冰豆腐 $48
食火锅必点蜂巢豆腐，好似海绵咁吸晒汤汁好滋味。
芝士肠 $32
整体黎讲火锅同食物质素都唔错，但如果饮品增加返茶类选择会更好，同埋今次食火锅基本上都好够味，酱料无郁过咁滞，但要比两位合共$40+10%酱料钱有点贵，如果价钱可以调整返少少就好。
张贴
