聚氣

营业中

休息中

唔可以净系得我食到系列，啱啱附近做完野，过嚟试下新开张茶记。手机落单，跟上潮流，嗌左个黄金多，双拼多士（奶酱多）、瑞士鸡翼面。落完单后发现冇野饮选单，谂住可能新pos 机功能未完善，谂住自己打开餐牌揾返items,睇下加几钱可以嗌到咩野饮，唔睇唔知居然我嗌嘅items 系冇得加几蚊搭杯冻饮，即刻黑人问号，算啦当我自己神之手，拣唔中有搭野饮嘅items,自己又唔舍得比$12或以上散嗌一杯可以用$3蚊解决到嘅冻饮。谂住饮免费奉送嘅饮用水，落单咁耐，66uo系度等都等唔到一杯水（最衰我唔嗌人比杯水我啦）。首先黄金多士上岸，$34算系中规中矩，然后瑞士鸡翼捞面上场，简单嘅白烚公仔面加3只瑞士鸡翼，咁就成为$48，比个印尼捞面或者加啲嗌货嘅干葱干蒜捞捞佢都冇咁嬲，我都知印尼捞面啲酱都几浪费时间，但系居然比啲瑞士鸡翼汁我就算，仲要自己捞。都算，啲鸡翼同啲隔夜烧味一样口感，7仔啲叮叮小食仲好食啲。最后上埋奶酱多，一句讲哂 硬化版嘉顿忌廉宾。