椰粉湯紅 (已結業)

系铜锣湾收工后，赶住要去湾仔拎淘宝件～拎完件后，一直沿住轩尼诗道，睇下有咩好食椰粉汤红既门面超级小清新，灯火通明，系轩尼诗道暗暗既街道上显得特别抢眼望望menu，唔太贵㖞，外卖另有九折，仲有跟汤，唔多谂了，就外卖你做晚餐啦首创竹丝海南鸡椰香饭套餐（$108）海南鸡相信大家都食得多，但用竹丝鸡黎做既海南鸡饭，你又试过未？竹丝鸡出名滋补，平时用黎煲汤多特别泡制既鸡件，鸡皮好薄，质感食落非常嫩滑，份量亦不少，啖啖肉特制酱汁酸酸辣辣提升到成个鸡件既味道层次，好味到我连垫底既椰菜都食哂椰香饭无传统既咁油，有淡淡既椰香味招牌菜心苗嫩得黎爽甜无渣，食落整体感觉好健康呀！套餐包一杯食疗拿杯汤，另外再额外加左$15要多杯；对于生活繁忙既都市人黎讲，汤水唔少得；椰粉汤红每日汤款都唔同，是日则系天冬麦冬雪梨汤，清甜顺喉，饮完个胃暖笠笠，好满足☺️炭烧鳗鱼椰香蛋包饭（$94）鳗鱼肥美，味道浓厚适中，加上铺满整个饭既滑蛋，未食已经留哂口水😚记得食之前要淋上椰汁，成个饭感觉会再提升一个层次架！今次外卖比我发掘到原来湾仔区都有咁健康无添加既餐厅，绝对会推介朋友黎试下！