Daddyos (已結業)

因为之前食过，所以上星期相约几个朋友再黎呢到食。唔知系米转左手，服务态度其差，真系嬲到唔可以唔系到share比大家。我比钱黎食饭，只系换黎一句「小姐，你依家唔可以叫野食?!」由于好耐无帮衬，原全唔知佢地系有时间限制。我book星期五，所以早成个星期订枱book 7:30，当时无人同我提及呢d条款。到左食饭果日下午5点左右，一个语气唔好既男仔打黎re-confirm，我只系同佢讲左2、3句，话佢知6个改4个，之后就收左线。由我到达、order至到食野，都仍然无人同我提及呢d条款，直至20分钟后，先有一个女侍应同我地讲要8:30交枱。我当然同佢讲我从来无听过啦，之后佢就同另一个男待应细细声讲左一阵，但系完全无回应。又过左20分钟，即8:10当我要再order既时候，男待应只系黎讲左一句「小姐，你依家唔可以叫野食?!因为你8:30要交枱。」真可笑，我只系order多6只鸡翼，点解要reject呢? 唔通呢个侍应觉得我地3个人要将呢6只鸡翼食成3个钟?! 8:30交番张枱出黎又点呢? 根本无人入黎食!! 今时今日呢d咁既「零回应」同埋「串嘴」态度，唔单止令到无左一枱客，仲影响晒成间餐厅既声誉。