山城小麵 (懷仁街) (已結業)

好耐之前已经知佢地起太子开店，虽然到依家都未试过，不过今次就试左新既大埔店，店主Hana系黎香港读社工既女仔，做左几年社工就出黎创业，煮佢既四川家乡野。夜晚单身狗时间，我就点左特色单人餐，包括：燃情刀削面(干捞)+蒜泥白肉+甜品(红糖冰粉)，拣左最少辣。先食燃情刀削面(干捞)，上面放有猪肉碎、葱、芝麻，最特别系唔觉佢放好多辣油，不过捞完之后，每一口面都有麻辣味，⭐️要提提大家，少辣都已经几厉害，都会出少少汗。蒜泥白肉卖相不俗，肉质有弹牙口感，中间的蒜泥非常出味。红糖冰粉真的不错，刚刚食完辣野，呷一口冰粉已经好有清凉解辣既功效，冰粉温度好够冻，入口清新，有淡淡红糖味，最特别系冰粉上面的山楂粒粒，配合红糖味一酸一甜，好搭配，强烈建议每人都要叫一碗试试。所有菜式都有水准，份量十足，可以番食haha。