山城小麵 (懷仁街) (已結業)

以往久不久都會支持這間小店。最近一次去，我同老婆都發現，二人套餐的麵條份量少了 ，而且肥腸麵線的豬腸，都用鉸剪剪開了!即是份量比之前少了一半!我覺得這樣有點過份!價就會加，材料反而減？這個是香港食肆運作的生存定律嗎？消費者的權益，請你們注意， 在生存，利潤， 維繫顧客之間是否應該取一個更好的平衡吧？請店方回應。繼續努力。

不如改名叫山城少麵，份量真係太少，我只係一個一般食量嘅女仔，食第一次以為佢輕手咗。第二次都一樣係咁少，其實唔係咩貴價食材，麵底咋喎，畀多少少啦，唔好太孤寒會更好。

執枱、抹枱同上餐都係同一個人、同一對手套...可能人手不足？雖然疫情常態化，但係都唔係咁好吧....食物味道是可以的大埔好像沒其他地方食呢類型野食如果唔介意衛生狀況， 可以一試

屋企大廈維修，全樓停電，和遠赴大埔的朋友遊鐵路博物館。遊完，天時暑熱，又是用餐時間，諗起性價比較高的「冰粉鋪」，於是又再光顧。雖然知道有好多分店，但始終和其他地區不同，可能不是在大型商場的shopping mall。叫了一個套餐($69)和朋友share，本身不太吃辣和重口味，所以事前和店員講清楚，上次叫蒜泥白肉重味到一個點。牛肉麵今次配料看來少了，賣相一般，但湯和幼麵是較煙韌和有咬感。最喜歡的冰粉竟然第一樣先到，多料、酸酸甜甜、解熱一流，先食一半，食完正餐再食一半。$69，不加一。其實主要是因為冰粉，因為附近實在太少店有得食！食完好爽。下次要試另一款甜品。

閒逛逛到內街去了，肚子餓隨意看到一家麵館就進去，看到餐牌第一眼被這個名字吸引《燃情刀削麵》😄好特別的名字😆嘗試後，哇曬，好好吃哦😋這個是近年來吃過最好吃的刀削麵😋下次放假再去吃，帶上朋友們去試試

疫情關係 多左留喺屋企叫外賣😮‍💨懶得煮~通常啲外賣送到黎既時候 一係凍左搞到唔好食🌝一係攤耐左搞到唔好食🌝最後通常都係 唔係幾好食咁啦🌝但呢間餐廳真係出親外賣單都勁快🤤啲外賣盒又cup得好實!每次啲野食 一打開蓋都仲原汁原味🤤唔會比個膠袋食哂我啲汁~突然發覺我地兩個都幾專一😂次次都係食一碗酸辣粉, 一個手撕雞, 一個蒜泥白肉, 2碗冰粉~而且每次既水準都好好👍🏻搞到我地下一次都繼續叫番同一款食物😹而我最欣賞既就係酸辣粉喇❤️由於冇特別order 佢都分左湯比我地所以食既時候 個薯粉唔會發漲而且口感好煙韌 唔會淋ber ber~而個湯底 一開蓋就已經聞倒香味😍雖然湯面會有一層薄油,但一路食一路畢倒啲湯 食落口既時候都唔會油lum lum!食落呢~ 個湯底係酸酸辣辣咁 酸同辣既比例中肯啦~ 唔會偏酸/偏辣好惹味🤤!至於個手撕雞同蒜泥白肉 都好出色嫁~雖然某連鎖店既蒜泥白肉好好食 但呢間餐廳係更勝有餘嫁😍~ 勝喺邊? 勝在唔孤寒😹😹超多蒜 超多辣椒 仲有埋花生粒~ 真係啖啖都咁多料 啖啖都咁惹味🤤食左咁多次 都未試過連配料食哂~ 因為真係多到好誇張😹😹

訓醒口淡淡 唔知食咩好? 咁緊係揀啲惹味啲既食物黎刺激下味蕾啦👅兩個人叫左4款食物, 例牌叫呢幾樣😹1. 酸辣薯粉份量超足呀! 一個人係唔會食得哂, 配菜有肉碎, 酸菜, 生菜, 鷹嘴豆!個湯底真係好impressive, 勁香濃酸辣味~ 正過「陳」仔酸辣好多👅2. 麻辣手撕雞 (單點)呢個係單叫既餸, 唔好諗住個量好少呀~如果一個人食叫呢個餸, 都會食得飽嫁~今次叫左小辣, 聞落係勁香 勁惹味! 但食落麻辣味爭啲啲 應該叫中辣會好啲!雞既份量係我食過最多 個面有少少花生碎😹但個底就比較多辣油所以suggest下次叫佢少啲油.3. 紅油抄手 6粒 (單點)每一粒都超大粒😹匙羹都裝唔哂一粒個辣油底同手撕雞個汁係好接近, 但又唔洗怕味道重覆~ 因為佢個紅油抄手個肉唔係雞肉黎😹餃皮一啲都唔厚, 皮薄餡靚嫁~4. 蒜泥白肉 (單點)平時係「陳」仔叫得多蒜泥白肉, 今次就試下呢度煮成點啦~ 個味道都幾大分別, 呢度蒜香味同香辣味勁重, 份量都正常既, 但每塊白肉既size就細少少~ 都好 可以慢慢嘆!整體黎講, 水準發揮穩定.幫襯左5-6次, 每次都仲咁好食🤩價錢公道, 街坊價 定位非常好!

第一次幫襯，兩點鐘大約有一半枱有客。座位同後面之間有點迫，但都可以。落單時，我指住餐牌要特色單人餐($60)，但佢地張單係特惠下午茶加原價小吃($63)。通知後改番收費，唔清楚是否手民之誤！🤔食物係okay嘅！

挺喜欢的，觉得味道挺好的，辣辣椒好香香的。不也挺好的，人也不多。东西上的也挺快的。去过两次。中午的时候还有套餐，觉得感觉还可以，云吞水饺的里面的肉蛮瘦的，而且蛮新鲜的。那个辣椒挺好味道的。

我之前都食過幾次次次嘢食一嚟到都唔覺意就即刻食咗唔記得影相自己覺得呢間餐廳嘅嘢食好好食試過朝頭早11點直接就嚟食通常呢就會叫佢呢啲套餐因為佢呢啲單人套餐都幾抵食通常就會叫特色單人餐今次都唔例外但係因為今日晏咗食飯所以冇叫太多嘢食最鍾意佢嘅麻醬雞絲涼麵分量多醬料又夠多雞絲同埋涼麵兩面嘅比例亦都剛剛好～ 今次呢就叫咗尖椒皮蛋雖然佢哋嘅片啦唔係超級之流心但係佢哋嘅辣好正 ❤️加埋嘢飲咁先至六十蚊可以揀嘢飲豆漿或者汽水如果有呢兩款嘅話呢可以直接將佢轉咗做糖水其實我都食過佢嘅都好好味不過今日好口渴所以揀咗汽水然後我仲叫咗個紅油抄手$32 蚊有六粒$45蚊有10粒 因為我又係唔記得咗影相食咗一粒所以張圖得返五粒佢哋嘅皮唔算好厚所以我好鍾意食

有一段時間好鍾意食酸辣粉，鍾意去唔同地方試唔同舖頭嘅酸辣粉，今次就嚟到大埔嘅山城小麵，見佢都開咗一段時間但我都未幫襯過，店面裝修都比較有中國風味，坐落都幾舒服。正宗酸辣粉 小辣$30加滷蛋$6 同肥腸$8杯裝豆漿$8 先講酸辣粉，份量十足，下圖都見到同七喜比較有幾大碗，酸辣粉入面有芫荽、炸花生、榨菜、肉碎、生菜、紅薯粉。紅薯粉煮得岩岩好，口感煙韌，芫荽花生呢啲好多其他舖頭嘅酸辣粉都有，但山城小麵嘅酸辣粉入面有加入肉碎令口感更為豐富，肥腸洗得好乾淨食落都好惹味，同麻辣口味嘅主食一齊食真係好夾，滷蛋醃得好入味，下次食都會叫呢兩個餸！！自己就覺得好滿意山城小麵嘅酸辣粉，湯嘅辣味同酸味都做得好好，好啱我嘅口味疫情當下，大家都避免出外用餐，山城小面亦有外賣自取優惠，大家如果方便嘅話都可以拎返屋企食，會更加抵食同埋安全～

突然之間又想食麻辣嘢，就搵咗係屋企附近嘅呢間山城小麵😋渝港擔擔麵（中辣）揀咗刀削麵麵底，刀削麵質地好滑，口感唔錯；湯底有肉碎，少量花生同蔥；雖然嗌咗中辣，但係入口一啲都唔辣，另外亦都冇花生醬香味，擔擔麵黎講，我會覺得只係屬於中等水平麻辣手撕雞 套餐加$4可以揀麻辣手撕雞做小食，呢個手撕雞同我想像中嘅手撕雞有啲唔同，手撕雞啲肉碎到咁我都係第一次見😟 味道方面，雖然佢叫麻辣手撕雞，但係一啲麻一啲辣都冇，好失望蒜泥白肉白肉就不過不失，同譚仔比就譚仔好食啲本身對呢間餐廳都有少少期望，但係食物質素真係唔算太好，我應該唔會再幫襯了

肥腸麵和牛肉麵都做得不錯,夠麻夠香,有微辣小辣中辣大辣可選. 一般香港人選微辣或小辣已經足夠.聽說老闆是來港讀書的四川人,所以味道確實做得比較正宗, 值得推介,唯一要說的是面的量可以多啲.

我平時都係去開食傷心酸辣粉，不過要去到馬鞍山太遠了，於是的起心肝睇吓大埔區有冇四川粉麵食，竟然比我搵到喺大埔墟有一間，呢間舖頭乾淨整潔都不錯，看見餐牌入邊內容款式雖然不多，但都算可以彈性選擇，特別有二人餐：有兩碗面同埋兩份小食，再加兩杯豆漿同埋兩個甜品，都係百幾蚊我覺得非常超值，味道亦比傷心酸辣粉夠香，湯不錯，唯獨冇口水雞，只得手撕雞，至於蒜泥白肉，我覺得薄了一點，不過我覺得最出色係山楂冰粉，我覺得食完之後，非常之清新絕對值得推介👍🏻

為於大埔舊墟，主推重慶麻辣既味道，價錢大眾化！山城牛肉刀削麵 ($41)牛肉唔錯，唔韌又唔鞋，小辣略嚴唔夠味，平時食開小辣既朋友仔可以試中辣。刀削麵既份量都幾多，幾有𡁻口，有煙韌既口感。酸辣粉 ($32)小辣，一上台就湧晒d麻麻酸酸既味道出黎，大大碗滿滿的莞茜，炸菜，花生，肉碎，賣相很不錯！紅薯粉煮得好適中，軟硬適中，不過略嚴油左少少。紅油抄手($32)有6粒，同樣有不同辣度俾你揀，點了中辣。今次既味道就岩小妹口味喇😋